खोज

बुटवल, २१ बैशाख । रुपन्देहीमा जारी जेट नेपाल यु—१४ टि ट्वान्टी क्रिकेट च्याम्पियनसिपमा देवदह बुद्ध पब्लिक स्कुल र न्यु होराईजन बोर्डिङ स्कुल विजयी भएका छन । बुटवल उपमहानगरपालिकाको सहयोग तथा वेष्ट्रन क्रिकेट क्लबको आयोजनामा शुक्रबार भएको पहिलो खेलमा देवदह पब्लिकले शान्ति नमुना माबिलाई १० बिकेट तथा न्यु होराईजनले आयोजक बेष्ट्रन क्रिकेट क्लबलाई ८ बिकेटले पराजित गरेको हो ।
नहरपुर माविको खेलमैदानमा भएको पहिलो खेलमा टस जितेर ब्याटिङ रोजेको शान्ति नमुनाले १९.५ ओभरमा ७ बिकेटको नोक्सानीमा १३१ रनको लक्ष्य खडा गरेको थियो । उसका लागि ओपनर ह्रदयम भट्टराईले ५५ बलमा ४१ र शिशिर भ्रुतेलले २७ बलमा १२ रनबाहेक अन्य खेलाडीहरुले दोहोरो रन जोड्न सकेनन । देवदहका क्रिस केसी र दृशम थापाले समान २—२ बिकेट लिए । मध्यम लक्ष्य पछ्याएको देवदह बुद्ध पब्लिक १३.३ ओभरमा बिना बिकेट खेलमा विजयी भयो । देवदहका ओपनरहरु आकास न्यौपाने र बिजय कार्कीको जोडीले शानदार नटआउट १२० रनको पारी खेले । आकाशले ४६ बलमा १० चौका र १ छक्काको मद्यतले ६० तथा बिनयले ३६ बलमा ९ चौका र २ छक्काको मद्यतले ६० रनको योगदान दिएका थिए । खेलमा बिनय प्लेयर अफ दी म्याचबाट पुरस्कृत भए ।

यसैगरि दोस्रो खेलमा टस जितेर बेष्ट्रनले २० ओभरमा सबै ९ बिकेट गुमाएर केवल ९६ रनको लक्ष्य खडा गरेको थियो । उसका लागि केशर रायमाझीले ३१ तथा मन्जील गैरेले २० रनको योगदान दिएका थिए । कम स्कोरमा रोक्न न्यु होराईजनका अरुण कुमार न्यौपानेले ३ तथा निरज घिमिरेले २ बिकेट लिए । झिनो लक्ष्यलाई न्यु होराईजनले १७.३ ओभरमा केवल २ बिकेटको नोक्सानीमा भेटायो । न्यु होराईजनका ओपनर सफल भट्टराईले ६० बलमा ४१ तथा अमित यादवले २५ बलमा २० रनको योगदान दिए । खेलमा न्यु होराईजनका अरुण कुमार न्यौपाने प्लेयर अफ दी म्याचबाट पुरस्कृत भए ।