© २०२३
६ मंसिर २०८१, बिहीबार
६ मंसिर २०८१, बिहीबार
तिलोत्तमा, २० वैशाख ।
शाईन रेसुङ्गा डेभलपमेन्ट बैंकले पामिर इन्टरनेशल एकेडेमी तिलोत्तमा–२ का विद्यार्थीलाई वित्तीय साक्षरतासम्बन्धी कार्यक्रम सञ्चालन गरेको छ । बैंकले उक्त विद्यालयका कक्षा ८, ९ र १० मा अध्ययनरत विद्यार्थीका लागि वित्तीय साक्षरता प्रदान गरेको विद्यालयका प्राचार्य गोपाल गौतमले जानकारी दिए ।
डिजिटल बैंकिङ र समग्र वित्तीय साक्षरताबारे विद्यार्थीहरुका लागि जानकारी प्रदान गर्न कार्यक्रम आयोजना गरिएको उनले बताए । कार्यक्रममा शाईन रेसुङ्गा डेभलपमेन्ट बैंकमा कार्यरत नारायण न्यौपाने र मनोज पौडेलले विद्यार्थीहरुलाई वित्तीय साक्षरता प्रदान गरेका थिए ।
युवा विद्यार्थीमा वित्तीय साक्षरताको प्रवद्र्धन र वित्तीय पहुँच विस्तारसँगै स्वरोजगारको सिर्जनाका आधार, उद्यमशीलताको विकास, आयस्तर अभिवृद्धिसहितका विषयलाई जागरण गराउन अभियान सञ्चालन गरिएको बैंकले जनाएको छ ।
© २०२३
सर्वाधिकार सुरक्षित
Design & Developed By:
