खोज

बुटवल, २ वैशाख। सातौं भूपू सैनिक कप खुला नकआउट फुटबल प्रतियोगिताको उपाधि गोर्खा ब्वाईज स्पोर्टस क्लब बुटवलले चुमेको छ । शनिबार सम्पन्न फाइनलमा गोर्खा ब्वाईजले बिपी स्मृति भैरव फुटबल क्लब नवलपरासीलाई ३–१ गोलले पराजित गर्दै उपाधि हात पारेको हो । उपाधि विजेता गोर्खा ब्वाईज नगद २ लाख एक हजार १ सय ११ रुपैयाँ सहित कप, मेडल, प्रमाणपत्रबाट पुरस्कृत भयो । उपविजेता भैरव भने १ लाख एक हजार १ सय ११ रुपैयाँसहित कप, मेडल र प्रमाणपत्रमा चित्त बुझायो ।

प्रतियोगितामा गोर्खा ब्वाईजका निशान राना उत्कृष्ट गोलरक्षक बने । उत्कृष्ट डिफेन्डर र मिडफिल्डर पनि गोर्खा ब्वाईज कै क्रमशः फ्लोरेन्ट कोआरा र उमेश थापा घोषित भए । उत्कृष्ट फरवार्ड भैरवका फोफना बन्दा प्रतियोगिता कै सर्वोत्कृष्ट खेलाडी गोर्खा ब्वाईज कै बिकास थापा घोषित भए । जवई खेलमैदानमा भएको फाईनलमा गोर्खा ब्वाईजका लागि बिकास थापा, आफिद ओलावाले र फोडे फोफोनाले गोल गरे । उता पराजित भैरवका लागि विदेशी खेलाडी फोफानाले सान्त्वना गोल गरे ।

नया वर्ष २०८१ को तथा भूपू सैनिक जबई स्पोर्ट्स क्लबको ४९ औ स्थापना दिवस कार्यक्रममा गरिएको प्रतियोगिताका विजेता तथा उपविजेता खेलाडीहरुलाई रुपन्देहीका सहायक प्रमुख जिल्ला अधिकारी चिरन्जिवी राना, अखिल नेपाल फुटबल संघ (एन्फा) का उपाध्यक्ष दिर्घ बहादुर केसी (कुमार), सिद्धार्थनगर नगरपालिकाका प्रमुख प्रशासकिय अधिकृत जनक थापा, यातायात मजदुर तथा ब्यवासायिक भलाई कोषका महासचिव योग गुरुङ, आयोजक क्लबका अध्यक्ष गोपीराम पुन, क्लबका उपाध्यक्ष खेमनसिह रानाले पुरस्कार वितरण वितरण गरेका छन ।

कार्यक्रममा अखिल नेपाल फुटबल संघका उपाध्यक्ष दीर्घ बहादुर केसी (कुमार) ले नया वर्षलाई उत्सवको रुपमा मनाउने प्रचलन चलाएर क्लबबाट खेलकुद र संस्कार जगाउने काम गरेको बताए । स्थानिय सरकार खेलकुदको पुर्वाधारलाई भजाएर फाईदा लिनेमात्र काम गरेको उनले दुखेसो गरे । विद्यालयस्तरीय प्रतियोगितामा लाखौ रुपैया खर्च गर्ने पालिका आफ्नै नगरमा भएका पुर्वाधारको संरक्षणमा भने चासो नदिएको बताए । आवश्यकता र माग भन्दा पहुचको भरमा खेलकुद पुर्वाधार निर्माण गर्ने काम रोक्न जरुरी रहेको उनले बताए । वनको नाममा खेल पुर्वाधारमा छुट्टिएको बजेट वर्षौ सम्म रोकिनु दुखद भएको उनले बताए ।

कार्यक्रमको एक समारोहका बिच रुपन्देही जिल्ला प्रशासन कार्यालयका सहायक प्रमुख जिल्ला अधिकारी चिरञ्जीवी रानामगरले उद्घाटन गर्दै खेलकुद पुर्वाधारलाई तिव्रता दिन आवश्यक पहल गर्ने उनले प्रतिवद्घता जनाए ।

कार्यक्रममा क्लबका अध्यक्ष गोपिराम पुनले क्लबको आर्थिक प्रगति विवरण प्रस्तुत गर्दै खेल विकासमा क्लबको योगदान गर्दै आएको बताए । खेलमार्फत युवालाई एकतावद्घ गर्दै राष्ट्रिय खेलाडी उत्पादन गर्ने लक्ष्यसहित विभिन्न खेलकुद गतिविधिसंगै सामाजिक कार्यक्रममा समेत काम गर्दै आएको उनले बताए । दौड, रक्तदान, सास्कृतिक कार्यक्रम लगायत गरि मनाएको छ । भूपू सैनिक जवई स्र्पोटिङ क्लब, बुटवल–१३, बेलबासको आयोजनामा गत चैत २० गतेदेखि शुरु भएको प्रतियोगितामा रुपन्देही, पाल्पा र नवलपरासीका गरी कुल १२ टिमले भाग लिएका थिए ।