खोज

सुर्खेत,२१ चैत ।

क्र्णाली प्रदेशका मुख्यमन्त्री राजकुमार शर्माले राजिनामा दिएका छन् । आज प्रदेशसभा बैठकलाई सम्बोधन गर्दे उनले् राजिनाको घोषणा गरेका हुन् । यसअघि मुख्यमन्त्री शर्माले मंगलबार संसदबाट विश्वासको मत लिने तयारी गरेका थिए ।

तर, केन्द्रमा सत्तागठबन्धन दलहरूबीच भएको सहमतिअनुसार कर्णाली प्रदेश एमालेको भागमा परेपछि उनले विश्वासको मतको कार्यक्रम एक दिन पछि सारेका थिए। पार्टी अध्यक्ष एवम् प्रधानमन्त्री पुष्पकमल दाहाल प्रचण्डको निर्देशनविपरित विश्वासको मत लिने अडानमा रहेका मुख्यमन्त्री शर्मा अन्ततः राजीनामा दिन बाध्य भएका हुन् । संसदमा सम्बोधनका क्रममा उनले आफूले गरेका उपलब्धिको चर्चा गरे। साथै, केन्द्रको निर्देशनप्रति असन्तुष्टिसमेत व्यक्त समेत गरे ।

केन्द्रबाट राजिनामा दिन निर्देशन आएतापनि विश्वासको मत लिने तयारीमा रहेका शर्मा माओवादी र एमाले नेताहरुसँगको लामो छलफलपछि राजिनामा दिन तयार भएका हुन् । केन्द्रमा कर्णाली प्रदेशको नेतृत्व एमालेले लिने सहमति भएपनि मुख्यमन्त्रीसहित प्रदेशका केही नेताहरूले एमालेलाई नेतृत्व हस्तान्तरण गर्न आनाकानी गर्दै आएका थिए । मुख्यमन्त्रीले राजिनामा दिन नमानेपछि प्रधानमन्त्री पुष्पकमल दाहाल प्रचण्डले पुर्व मुख्यमन्त्री महेन्द्रबहादुर शाहीलगायतका नेतालाई सुर्खेत पठाएका थिए । मुख्यमन्त्री शर्माले पदबाट राजिनामा दिएपछि एमाले संसदीय दलका नेता यामालाल कडेल मुख्यमन्त्री बन्ने पक्का भएको छ ।