© २०२३
२८ भाद्र २०८१, शुक्रबार
२८ भाद्र २०८१, शुक्रबार
बुटवल, १८ चैत । प्रथम स्वर्गीय बबुवा दाइ स्मृति फुटसल प्रतियोगिता २०८० को उपाधि वाइल्ड बोर एफसी काठमाण्डौले चुमेको छ । एभरेष्ट ग्रुप हङकङको मुख्य प्रायोजन तथा आस्था समुहको आयोजनामा लुम्बिनी फुटसल एरिनामा शनिबार सम्पन्न प्रतियोगिताको फाईनलमा गोर्खा ब्याइज एफसीलाई ८—३ गोल अन्तरले पराजित गर्दै बोर एफसीले उपाधि चुमेको हो । उपाधि उसले नगद ५० हजार रुपैया, कप, मेडल, प्रमाणपत्रबाट पुरस्कृत भएको छ भने उपविजेता गोर्खा ब्याईज भने नगद २५ हजार, कप, मेडल, प्रमाणपत्रमा चित्त बुझायो ।
प्रतियोगितामा वाईल्ड बोरका सुमन लिम्बु सर्वोत्कृष्ट खेलाडी बन्दै नगद ५ हजार तथा वाईल्ड बोरका सौरभ ठाकुर उत्कृष्ट किपर, गोर्खा ब्याईजका निराजन खत्री हाई स्कोरर घोषित हुदै नगद ३ हजार, मेडलबाट पुरस्कृत भए ।
एक समारोहका बिच अखिल नेपाल फुटबल संघका केन्द्रिय उपाध्यक्ष दीर्घ बहादुर केसी, वडा नं ११ का वडाअध्यक्ष रामचन्द्र क्षेत्री, स्वर्गिय बबुवाका धर्मपत्नी सबिना अलि, आस्था समुहका सचिव सुजन पुनले विजेता, उपविजेता तथा उत्कृष्ट खेलाडीहरुलाई पुरस्कार वितरण गरेका थिए । प्रतियोगितामा रुपन्देहीसहित कपिलबस्तु, नवलपरासी, काठमाडौंका ३० टिमहरु भाग लिएको संयोजक भुवन श्रेष्ठले बताए ।
© २०२३
सर्वाधिकार सुरक्षित
Design & Developed By:
