खोज

बुटवल, १८ चैत । कर्णेन उजिरसहिको नाममा बुटवलमा अन्तराष्ट्रिय बुद्धिचाल प्रतियोगिता हुने भएको छ । अग्रेज सेनलाई पराजित गरेको बुटवलको जितगढी किल्ला र तत्कालिन नेपाली सेनाका कर्णेन उजिरसिहको खेलमार्फत पर्यटन प्रवद्र्धन हुने गरि बुद्धिचाल संघ, बुटवल उपमहानगरपालिकाको आयोजनामा कर्णेल उजिर सिंह थापा स्मृति मेयर कप अन्तर्राष्ट्रिय बुद्धिचाल प्रतियोगिता हुने भएको हो ।

यहि चैत २४ गतेदेखि २७ गतेसम्म बुटवलमा हुने प्रतियोगिताको तयारी तिब्र चलेको संघका अध्यक्ष सुदिर पुनले बताए । ‘अहिलेसम्म ११७ जना खेलाडीहरुले दर्ता गरिसकेका छन ।’— उनले भने । प्रतियोगीतामा नेपाल सहित भारत, बंगालदेश, पाकिस्तान, श्रीलंका, अमेरिका सहित १६ वटा देशका खेलाडीहरूले प्रतिष्पर्धा गर्ने उनले बताए । प्रतियोगीतमा प्रथम हुने २ लाख, द्वितीयले १ लाख १० हजार, तृतीय ६० हजार, चौथोले ४० हजार, पाचौंले ३० हजार, छैठौंले २० हजार नगद पुरस्कार पाउने छन् । यस्तैगरी बेष्ट जुनियर ब्वाईज÷गल्र्स टिम ६ देखि १० सम्मले नगद २० हजार पाउने छन् । यस्तै बेष्ट स्टुडेन्ट रूपन्देही ११ देखि १५ सम्म ले १५ हजार, बेष्ट स्टुडेन्ट बुटवल १६ देखि २० सम्मले १३ हजार पुरस्कार पाउने छ ।
खेल संयोजक माधव प्रसाद प्रधानले लामोसमयपछि ठुलो प्रतियोगिता हुन लागेको बताए । बुद्धिचाल खेलमा यस क्षेत्रबाट धेरै खेलाडीहरु उत्पादन भएको उनले दाबी गरे । प्रतियोगितामा २ सय भन्दा बढि खेलाडीहरूको सहभागीता हुने छ । दर्ताका लागि रूपन्देहीका विद्यार्थीहरूलाई २ हजार, अन्यको लागि ३ हजार, नेपाली (खुल्ला) लाई ५ हजार, विदेशी खेलाडीहरूको लागि १० हजार रूपैयाँ रजिष्टेशन लाग्ने जनाइएको छ । पत्रकार सम्मेलनमा बुटवल उपमहानरपालिका वडा नम्बर १३ का अध्यक्ष नारायण सिंह पुन, नगर खेलकुद विकास समितिका संयोजक बोनिन पिया, नेपाल पत्रकार महासंघ रूपन्देहीका उपाध्यक्ष विश्वास ढकाल, पत्रकार हरिष ढकाल लगायतले बुद्धिचाल खेलको बारेमा चर्चा गरेका थिए ।