खोज

बुटवल, १६ चैत । रुपन्देहीमा जारी छैटो खड्ग प्रसाद गौचन मेमोरियल यु—१९ क्रिकेट प्रतियोगिता २०८० मा समुह बि अन्तरगत भएको खेलमा क्रिकेट एक्सलेन्स सेन्टर, काठमाण्डौ र धनगढी क्रिकेट क्लबले लगातार दुई खेलमा जित निकालेका छन । शुक्रबार भएको पहिलो खेलमा धनगढी क्रिकेट एकेडेमीले क्रिकेट एकेडेमी कास्कीलाई ३ बिकेट तथा दोस्रो खेलमा क्रिकेट एक्सलेन्स सेन्टर, काठमाण्डौले न्यु होराईजन क्लबलाई ५० रनले पराजित गरेको हो । योसंगै दुबै टिम अन्तिम चारमा पुग्ने सम्भावनालाई बलियो बनाएका छन ।
एक्स्ट्रा टेक ओभल क्रिकेट मैदानमा भएको पहिलो खेलमा टस जितेर कास्कीले ब्याटिङको निर्णय लिदै २५ ओभरमा ९ बिकेटको नोक्सानीमा ८३ रनको लक्ष्य खडा गरेको थियो ।

कास्कीका सरोज खत्रीले १९ तथा नितेश गिरीले १३ रन बनाए । सस्तोमा समेट्न धनगढीका सौर्य श्रेष्ठले ३ तथा सचिन मल्लले २ बिकेट लिए । धनगढीले २०.२ ओभरमा ७ बिकेटको नोक्सानीमा लक्ष्इ भेटायो । उसका लागि आकास विष्टले ३२, अशोक धामीले २२ नटआउट पारी खेले । पोखराका नितेश गिरी र रजत पौडेलले समान २—२ बिकेट लिए । खेलमा धनगढीका अशोक धामी म्यान अफ दी म्याचबाट पुरस्कृत भए ।

शुक्रबार नै भएको दोस्रो खेलमा टस जितेर सिईसि काठमाण्डौले ब्याटिङको निर्णय गर्दै २४ ओभरमा ९४ रनमा समेटियो । उसका लागि सुमित सिह भुजेलले २३ रन तथा प्रशान्त पंडितले १८ रन जोडे । न्यु होराईजनका निर्मल गुरुङले ३ तथा अमर मिश्राले २ बिकेट लिए ।
न्युन लक्ष्य पछ्याएको न्यु होराईजन १४ ओभरमा केवल ४० रनमा समेटियो । उसका लागि बिपर्सन केसीले २२ रनबाहेक अन्य ब्याट्सम्यान क्रिजमा टिक्न सकेनन । सिईसिका दयानन्द मण्डलले शानदार हयाट्रिकसहित ७ बिकेट लिए । उनि खेलमा म्यान अफ दी म्याचबाट पुरस्कृत भए । शनिबार लिगको अन्तिम खेलहरु हुने छ ।

प्रतियोगिताको लिग चरणका खेलहरु २५ ओभर तथा सेमीफाईनल र फाईनल खेल भने ४० ओभरको खेलिने उनले बताए । प्रतियोगिताको उपाधि विजता टिमले नगद ५० हजार रुपैया, कप, मेडल, प्रमाणपत्र तथा उपविजेता टिमलाई २५ हजार रुपैया, कप, मेडल, प्रमाणपत्रबाट पुरस्कृत गरिने छ । प्रतियोगिताको समूह ए मा स्टार क्रिकेट एकेडेमी, बोस्टन क्रिकेट क्लब, बिएमडब्लु बेष्ट्रन क्रिकेट एकेडेमी, मदन भण्डारी स्पोर्ट्स एकेडेमी तथा समूह बि मा पल्सर सिईसि काठमाडौ, डिष्ट्रिक एशोसियसन अफ कास्की, डिसिए धनगढी र न्यु होराईजन स्पोर्ट्स क्लब गरि आठ टिमले प्रतिस्पर्धा गर्ने छन । चैत २० गतेसम्म चल्ने प्रतियोगितामा करिब ६ लाख रुपैया खर्च हुने अनुमान रहेको छ ।