© २०२३
नेपालगञ्ज, १२ चैत
बाँकेमा चालु आर्थिक बर्षमा ५३९ जना क्षयरोगी थपिएका छन् । चालु आर्थिक बर्षको साउनदेखि माघ मसान्तसम्म ५३९ जना क्षयरोगी थपिएको जिल्ला स्वास्थ्य कार्यालय बाँकेका क्षयरोग फोकल पर्सन रविन्द्रकुमार शाहले जानकारी दिए । चालु आर्थिक बर्षमा क्षयरोग पुष्टी भएका मध्ये ६ जनामा एचआईभी पोजेटीभ देखिएको छ । अघिल्लो आर्थिक बर्ष २०७९÷०८० मा बाँकेमा ११०२ जना क्षयरोगी पत्ता लागेको शाहले बताए । ती क्षयरोगी मध्ये ५ जनामा एचआईभी पोजेटीभ देखिएको थियो ।
विश्व क्षयरोग दिवसको अवसरमा आईतबार नेपालगञ्जमा आयोजित पत्रकार अन्तत्र्रिmया कार्यक्रममा शाहले पछिल्लो समय नेपालमा क्षयरोगबाट हुने मृत्युदर ३ प्रतिशत रहेको बताए । यस्तै लुम्बिनी प्रदेशमा ३.३ र बाँकेमा २.८ प्रतिशत क्षयरोगबाट मृत्युदर रहेको तथ्यांक शाहले प्रस्तुत गरे ।
फोकल पर्सन शाहका अनुसार नेपालबाट २०५० सम्ममा क्षयरोग उन्मुलन गर्ने लक्ष छ भने सन् २०३५ सम्ममा क्षयरोगको महामारी अन्त्य गर्ने लक्ष्य निर्धारण गरिएको छ । क्षय रोगीहरुको उपचारका लागि नेपालमा स्थापना गरिएका डट्स सेन्टरको संख्या ६ हजार २०९ छ । यी सेन्टरबाट नियमित उपचार चलिरहेको छ । लुम्बिनी प्रदेशमा यो संख्या ९०२ रहँदा बाँकेमाा ८७ वटा डट्स सेन्टर छन् । उनका अनुसार मुलुकभर जीर्ण क्षयरोग सेन्टर २४, लुम्बिनीमा ४ र बाँकेमा १ वटा छन् ।
स्वास्थ्य कार्यालय बाँकेका प्रमुख अंगदबहादुर शाहीले विश्वको कुल जनसंख्याको एक चौथाई जनसंख्या क्षयरोगबाट प्रभावित रहेको तथ्यांक अनुसार नेपालमा अझै धेरै क्षयरोगी लुकेर रहेको बताए । क्षयरोग नियन्त्रणका लागि जनचेतना र परिक्षण आवश्यक रहेको उनको भनाई छ । ‘क्षयरोगबारे सचेत बनाउन सकियो भने नियन्त्रणमा लिन सहज हुन्छ, शाहीले भने । प्रमुख शाहीको अध्यक्षतामा भएको अन्तत्र्रिmया कार्यक्रममा स्वास्थ्य कार्यालय बाँकेका नसर्ने रोग फोकल पर्सन नरेश श्रेष्ठ र टिबी नेपालका कमल ढकालले प्रस्तुतीकरण गरेका थिए ।
यसैबीच विश्व क्षयरोग दिवसको अवसरमा आईतबार विहान नेपालगञ्जमा सचेतनामुलक ¥यालीसहित प्रभातफेरी बार्यक्रम पनि गरिएको थियो । भेरी अस्पतालबाट सुरु भएको ¥याली नेपालगञ्ज उपमहानगरपालिका कार्यालय अगाडि पुगेर समापन भएको थियो । यसैगरी बाँकेको कोहलपुरमा समेत ‘हो हामी क्षयरोग अन्त्य गर्न सक्छौँ’ भन्ने मुख्य नाराका साथ विश्व क्षयरोग दिवस, ¥यालीसहित कोणसभा गरी मनाइएको छ । कोहलपुर नगरपालिका नगर स्वास्थ्य शाखाको आयोजनामा भएको ¥यालीमा जनप्रतिनिधि, स्वास्थ्यकर्मी र सरोकारवालाहरुको उपस्थिति थियो ।