खोज

लमही, ११ चैत ।

दाङको राजपुर सँगै भालुवाङ–लमही सडकखण्ड मसुरियामा राजमार्ग अवरुद्ध भएको छ । दाङमा शनिवार भएका दुईवटा छुट्टाछुट्टै दुर्घटनाका आफन्तले आइतबार छुट्टाछुट्टै स्थानमा राजमार्ग अबरुद्ध गरेका हेन् । राजपुरमा बसको ठक्कर बाट २ जनाको र राप्ती गाउँपालिकाको मसुरियामा विद्युतको तार चुँडिएर करेन्ट लागेर एकैघरका तीन जनाको मृत्यु भएको थियो ।

करेन्ट लागि सोही ठाउँ निवासी एकाघरका ५५ वर्षीय दिलसरा केसी र उनका ४ वर्षीय नाति कृष केसी र ६० वर्षिय गोरक बहादुर केसीको मृत्यु भएको इलाका प्रहरी कार्यालय भालुबाङका प्रमुख उज्जलबहादुर सिंहले जानकारी दिए । हजुरआमा र नाति घरको आँगनमा उभिएको अवस्थामा करेन्ट लागेर मृत्यु भएको थियो भने हजुरबुबा केसीको उपचारका क्रममा मृत्यु भएको प्रहरी निरक्षक सिहले जानकारी दिए ।

उनीहरुका आफन्त पीडितहरुले उचित क्षतिपुर्तिको माग गर्दै सडक अबरूद्ध गरेको इलाका प्रहरी कार्यलय भालुबाङले जनाएको छ । मसुरियामा पूर्णरुपमा राजमार्ग अबरुद्ध भएको छ ।

यता राजपुर–५ बसको ठाक्करबाट मोटरसाइकल सवार दुइजाको मृत्युको घटनाका आफन्तल जँग्रहवाबाट छुट्ने सवारीका साधान ठप्प पारेका भएका छन् । जँग्रहवा–जहरे, जँग्रहवा– गढवा, जँग्रहवा–गँग्दी रुटमा चल्ने सवारी साधन ठप्प भएका छन ।

शनिवार बेलुका पूर्वदेखि पश्चिम जाँदै गरेको रा १ ख २३६० नम्बरको बसले राजपुर–५, नौंसहरामा पश्चिम देखि पूर्व आइरहेको रा ७ प २०७ नम्बरको मोटरसाइकललाई ठक्कर दिँदा २ जनाको मृत्यु भएको थियो ।

मृत्यु हुनेहरु मोटरसाईकल सवार राजपुर–५, नौंसहरा निवासी अन्दाजी २४ वर्षीय प्रमोद यादव र सोही ठाउँ निवासी प्रदिप यादव रहेको ईलाका प्रहरी कार्यालय गढवाका प्रहरी निरीक्षक नविन वलीले बताए । प्रमोदको घटनास्थलमै र प्रदिपको उपचारका क्रममा मृत्यु भएको इलाका प्रहरी कार्यालय गढवाका प्रहरी निरक्षक नबिना वलिले जानाकारी दिएकी छिन ।