खोज

बुटवल, ११ चैत । छैटो खड्ग प्रसाद गौचन मेमोरियल यु १९ क्रिकेट प्रतियोगिता २०८० मा मदन भण्डारी स्र्पोट्स एकेडेमी विजयी भएको छ । आईतबार भएको खेलमा मदन भण्डारी स्र्पोट्स एकेडेमीले बिएमडब्लु बेष्ट्रन क्रिकेट एकेडेमीमाथि सुपर ओभरमा जित निकालेको हो ।

एक्स्ट्रा टेक ओभल क्रिकेट मैदानमा भएको खेलमा टस जितेर ब्याटिङको निर्णय गरेको मदन भण्डारीले २५ ओभरमा १२९ रनको लक्ष्य तयार गरेको थियो । उसका लागि संकेत भट्टराईले ६१ बलमा ४२ रन तथा विजय प्रजापतीले २२ बलमा २९ रनको योगदान दिए । बिएमडब्लु बेष्ट्रनका उत्तम जयसवालले २ ओभरमा ११ रन खर्चेर १ बिकेट लिए । मध्यम लक्ष्य पछ्याएको बेष्ट्रनले निर्धारित २५ ओभरमा १२८ रन बनायो । बेष्ट्रनका रौनक श्रीवास्तवले ५५ बलमा ४१ तथा रिसब बेल्बासेले २२ बलमा २४ रनको योगदान दिए । मदन भण्डारीका अर्जुन करुसले ५ ओभरमा २४ रन खर्चेर २ तथा सन्दिप ढकालले ५ ओभरमा २२ रन खर्चेर समान २ बिकेट लिए । योसंगै ट्राई भएको खेल सुपर ओभरमा गयो । सुपर ओभरमा वेष्ट्रनले ५ रनको लक्ष्य दिएकोमा मदन भण्डारीले दुई बलमा लक्ष्य भेटायो । मदन भण्डारीका संकेत भट्टराई खेलमा म्यान अफ दी म्याचबाट पुरस्कृत भए ।

प्रतियोगिताको लिग चरणका खेलहरु २५ ओभर तथा सेमीफाईनल र फाईनल खेल भने ४० ओभरको खेलिने उनले बताए । प्रतियोगिताको उपाधि विजता टिमले नगद ५० हजार रुपैया, कप, मेडल, प्रमाणपत्र तथा उपविजेता टिमलाई २५ हजार रुपैया, कप, मेडल, प्रमाणपत्रबाट पुरस्कृत गरिने छ । प्रतियोगिताको समूह ए मा स्टार क्रिकेट एकेडेमी, बोस्टन क्रिकेट क्लब, बिएमडब्लु बेष्ट्रन क्रिकेट एकेडेमी, मदन भण्डारी स्पोर्ट्स एकेडेमी तथा समूह बि मा पल्सर सिईसि काठमाडौ, डिष्ट्रिक एशोसियसन अफ कास्की, डिसिए धनगढी र न्यु होराईजन स्पोर्ट्स क्लब गरि आठ टिमले प्रतिस्पर्धा गर्ने छन । चैत २० गतेसम्म चल्ने प्रतियोगितामा करिब ६ लाख रुपैया खर्च हुने अनुमान रहेको छ ।