खोज

परासी ।

इन्द्रेणी सामाजिक विकास मञ्च र प्रतापपुर गाउँपालिकाको संयुक्त आयोजनामा प्रजनन रुग्णता पाठेघर खस्ने समस्या पहिचान सम्बन्धी २ दिने निःशुल्क स्वास्थ्य शिविर ठुलो खैरटवा स्वास्थ्य चौकी र पिपरपाती आधारभूत स्वास्थ्य केन्द्रमा सम्पन्न भएको छ ।

शिविरमा ठूलो खैरटवा स्वास्थ्य चौकीमा कुल १७४ जनाले सेवा लिएकोमा ३२ जनामा र पिपरपाती आधारभूत स्वास्थ्य केन्द्रमा १८१ जनाले सेवा लिएकोमा ६४ जनामा पाठेघर सम्बन्धी समस्या भै शल्यक्रिया गर्नु पर्ने समस्या पहिचान भएको छ ।

उदघाटन कार्यक्रममा गाउँपालिका उपाध्यक्ष मान कुमार चौधरीले प्रतापपुर गाउँपालिकामा रहेका सम्पूर्ण महिलाहरुमा रहेको पाठेघरको समस्या पहिचान गरी उपचार गर्नका लागि इन्द्रेणीसँग मिलेर शिविर संचालन गरिएको र धेरै भन्दा धेरैले यो सेवा उपयोग गर्नका लागि आग्रह गरे ।

इन्द्रेणी सामाजिक विकास मञ्चले प्रतापपुर गाउँपालिकामा स्वास्थ्यको सवालमा धेरै नै काम गरेर सकारात्मक परिवर्तनहरु देखा परेको उल्लेख गर्दै धन्यवाद व्यक्त गरे । परीक्षण पश्चात् शल्यक्रिया गर्नुपर्नेलाई इन्द्रेणी सामाजिक विकास मञ्चले समन्वय गरेर शल्यक्रिया गर्ने प्रतापपुर स्वास्थ्य शाखा प्रमुख मन्तोश कुमार मुरावले जानकारी गराए । कार्यक्रममा जिल्ला स्वास्थ्य कार्यालयबाट अनुगमन गरिएको थियो । कार्यक्रममा वडाअध्यक्षद्वय जन्त्री वरइ र ा सन्तोश राजभरले यस्ता कार्यक्रमलाई आगामी दिनमा पनि निरन्तरता दिनुपर्ने बताएका थिए ।