खोज

बुटवल, ३ चैत ।

अक्सफोर्ड माध्यमिक विद्यालय बुटवल कक्षा ११ का विद्यार्थीहरूद्वारा कक्षा १२ का विद्यार्थीहरूलाई विदाई तथा शुभकामना कार्यक्रम सम्पन्न भएको छ । कार्यक्रमको उदघाटन लुम्बिनी प्रदेशसभा सदस्य तथा पुर्व स्वास्थ्य मन्त्री भोज प्रसाद श्रेष्ठले गरेका थिए ।

कार्यक्रममा राष्ट्रिय परीक्षा बोर्ड प्रदेश कार्यालय प्रमुख रमाकान्त तिवारी, शाखा प्रमुख बाबुराम भण्डारी, अभिभावक संघ रूपन्देहीका अध्यक्ष लोकनाथ ज्ञवाली, संस्थापक प्राचार्य यज्ञमुर्ती पाण्डे, अक्सफोर्ड कलेजका अध्यक्ष अजित खनाल, क्याम्पस प्रमुख मनोज मरासिनी , प्राचार्य दिनेश भुसाल, प्राध्यापक सुमन भुसाल, सहायक प्राचार्य मोहन श्रेत्री, गजाधर सापकोटा, ललित खरेल, नवराज पङ्गेनी, घनबहादुर थापा, धर्म पौडेल लगायतले विद्यालयको शैक्षिक अवस्थाको बारेमा चर्चा गरेका थिऐ ।

कार्यक्रममा कक्षा १२ का विद्यार्थीहरुलाई खादा तथा मायाको चिनोले सम्मान गरिएको कक्षा ११ का छात्र साहित्य ज्ञवालीले जानकारी दिए । कार्यक्रममा खेल सप्ताहमा उत्कृष्ट हुने खेलाडी तथा प्रशिक्षक, दस बर्ष सेवा अवधि पूरा गरेका प्राध्यापक, कर्मचारी, खेल सप्ताहमा संयोजकको भूमिका निर्वाह गर्ने प्राध्यापकलाई खादा तथा प्रमाणपत्र प्रदान गरी सम्मान गरिएको थियोे ।

वैशाख १४ गतेबाट सञ्चालन हुने कक्षा १२ को परीक्षामा अक्सफोर्ड माविबाट ९१२ विद्यार्थीहरू सहभागी रहने र अक्सफोर्डमा करिब पाँच हजार विद्यार्थी अध्ययनरत रहेको विद्यालयका प्राचार्य दिनेश भुसालले बताए । कार्यक्रममा प्राध्यापक सुमन भुसालले अक्सफोर्ड माविले विद्यालयले विगतदेखि नै विभिन्न परीक्षामा देशकै उत्कृष्ट रिजल्ट ल्याएको स्मरण गर्दै अक्सफोर्डले विद्यार्थीलाई संस्कार समेत सिकाउँदै आएको हुँदा आम विद्यार्थी तथा अभिभावकको रोजाईमा पर्ने गरेको बताए ।

कार्यक्रममा बोल्दै राष्ट्रिय परीक्षा बोर्ड लुम्बिनी प्रदेश प्रमुख रमाकान्त तिवारीले अक्सफोर्ड माविले केही बर्षयता शैक्षिक क्षेत्रमा फड्को मारिरहेको बताउँदै राष्ट्रमा उत्कृष्टताको लागि शुभकामना दिए । उनले संस्कार सहितको शिक्षा लिएर परीक्षाको तयारी गरिरहेका विद्यार्थीलाई शुभकामना समेत दिए ।

कार्यक्रममा बोल्दै लुम्बिनी प्रदेश सभा सदस्य भोज प्रसाद श्रेष्ठले शैक्षिक हवको रूपमा स्थापित हँुदै गरेको बुटवलमा रही राष्ट्रमै उत्कृष्ट रिजल्ट ल्याउन तथा संस्कार सहितको शिक्षा प्रदान गर्दै आएको अक्सफोर्ड माविले शैक्षिक क्षेत्रमा राष्ट्रमै नेतृत्व लिन अगाडि सकोस् भनी शुभकामना दिए ।

कार्यक्रममा विद्यार्थीहरूले विभिन्न नृत्यहरू तथा पिटीहरू प्रदर्शन गरेका थिए । कार्यक्रममा गायिका रचना रिमालले प्रस्तुति दिदै विद्यार्थी तथा प्राध्यापकहरूलाई छमछमी नचाएकी थिइन् । कार्यक्रममा अन्तर्राष्ट्रिय मोटिभेसनल स्पिकर सृष्टि केसीले उपस्थित प्राध्यापक, कर्मचारी तथा विद्यार्थीहरूलाई १ घण्टा मोटिभेसन दिएकी थिइन् । कार्यक्रममा छात्रा रूवि अर्याल, स्तुति पौडेल, सर्लेट भुसाल, करीस्मा बेलबासे, अञ्जली खरेल, सुवेक्षा भट्टराई र सचिन भण्डारीले पनि मन्तव्य व्यक्त गरेका थिए ।