© २०२३
११ मंसिर २०८१, मंगलवार
११ मंसिर २०८१, मंगलवार
बुटवल,१ चैत । केन्द्रमा गठबन्धनबाट बाहिरिएको नेपाली कांग्रेले कोशी प्रदेशमा मुख्यमन्त्री केदार कार्की नेतृत्वको सरकारको विकल्प नभएको निष्कर्ष निकालेको छ ।
बिहीबार बिहान सभापति शेरबहादुर देउवाको निवास बूढानीलकण्ठमा शीर्ष नेतृत्वको छलफलले उक्त निष्कर्ष निकालेको हो । सभापति निवासमा उपसभापतिद्वय पूर्णबहादु खड्का र धनराज गुरुङ, महामन्त्रीहरू गगन थापा र विश्वप्रकाश शर्मा, डा. शेखर कोइराला, कृष्णप्रसाद सिटौला, प्रमुख सचेतक रमेश लेखक र मुख्यमन्त्री कार्कीसहितका नेता भेला भएका थिए ।
छलफलपछि महामन्त्री गगन कुमार थापाले प्रदेश सरकार गठनको अन्तिम विकल्प संविधानको धारा १६८ ९५० अनुसार केदार कार्की कोशी प्रदेशको मुख्यमन्त्री बनेकाले यसको विकल्प नभएको निष्कर्ष निकालिएको जानकारी दिए ।
थापाले कोशी सरकारविरुद्ध अविश्वासको प्रस्ताव ल्याउन र विघटन गर्न पनि नमिल्ने भएकाले केदार कार्की नेतृत्वको सरकारको विकल्प नभएको मुख्यमन्त्री कार्कीले तर्क र दलील प्रस्तुत गरेपछि पार्टीको पनि सबैको निष्कर्ष पनि त्यही नै भएको स्पष्ट पारे ।
© २०२३
सर्वाधिकार सुरक्षित
Design & Developed By:
