© २०२३
६ मंसिर २०८१, बिहीबार
६ मंसिर २०८१, बिहीबार
धनगढी, १८ फागुन ।
कैलालीमा लम्कीचुहामा सहलगानी खानेपानी तथा सरसफाइ आयोजनाको शिलान्यास गरिएको छ । सुदूरपश्चिम प्रदेशका मुख्यमन्त्री कमल बहादुर शाहले शुक्रवार एक कार्यक्रमका बिच आयोजनाको शिलान्यास गरेका हुन् ।
लम्की साना सहरी खानेपानी उपभोक्ता तथा सरसफाइ संस्थाका अध्यक्ष तेजबहादुर चलाउनेका अनुसार उक्त आयोजनाबाट लम्कीचुहा नगरपालिकाका ५ वडाका १३ हजार ७ सय ९५ घरधुरीका ७४ हजार ४ सय ५० जना लाभान्वित हुनेछन् । १४ करोड ७७ लाख आयोजना २०८२ सालको भदौमा सम्पन्न हुनेछ ।
आयोजना अन्तर्गत ४ लाख ५० हजार लिटर क्षमता भएका भूमिगत ट्याङ्की पनि निर्माण गरिने निर्माण कम्पनी प्रशंसा कन्स्ट्रक्सनका सञ्चालक दीर्घराज जोशीले बताए ।
१४ करोड ७७ लाख ९५ हजार ६ सय १३ रुपैयाँ २५ पैसाको कुल लागतमा निर्माण हुने पहिलो चरणको आयोजनामा खानेपानी मन्त्रालयको ७० प्रतिशत अर्थात् १० करोड ३४ लाख, लम्की साना सहरी खानेपानी उपभोक्ता तथा सरसफाइ संस्थाको २५ प्रतिशत अथवा ३ करोड, ६९ लाख र लम्कीचुहा नगरपालिकाको ७३ लाख ८९ हजार लगानी रहेको छ ।
आयोजनाबाट लम्कीचुहाका वडा नं १ र वडा नं २ मा पुरै र वडा नम्बर ३,४ र ५ मा आंशिक रूपमा २४ सै घण्टा कर्णाली नदीको पानी पुगाइने छ ।
© २०२३
सर्वाधिकार सुरक्षित
Design & Developed By:
