© २०२३
५ आश्विन २०८१, शनिबार
५ आश्विन २०८१, शनिबार
नवलपुर ।
पुर्वी नवलपरासीको नवलपुर कावासोती–११ को लोकाहा खोला किनारमा ५ वटा गिद्ध मृत फेला परेका छ्न् ।
४ वटा डङ्गर प्रजाती र १ वटा हिमाली प्रजातीको गिद्ध मृत फेला परेको छ भने १ वटा सुन गिद्ध र ६ वटा डङ्गर प्रजातीको गिद्ध बिरामी अवस्थामा फेला परेका छ्न् । बिरामी मध्ये १ वटा डङ्गर गिद्धको अवस्था गम्भीर रहेको छ ।
मरेको स्यालको सिनो खाएर गिद्ध मरेका हुन् । गिद्ध मरेको स्थानमा २ वटा मरेको स्यालको सिनो समेत फेला परेको छ । विषादीयुक्त खाना खाएर मरेको स्यालको सिनो खाएर गिद्ध मरेको प्रारम्भिक अनुसन्धानबाट देखिएको जटायु रेष्टुरेन्टका अध्यक्ष डिबि चौधरीले बताए ।
लोकाहा खोला किनारमा गिद्ध मृत देखे पछि स्थानीयले जटायु रेष्टुरेन्टमा खबर गरेका थिए । मरेका गिद्धको मंगलबार पोस्टमार्टम गरिने तथा बिरामी गिद्धलाई घटनास्थलमा प्राथमिक उपचार पछि जटायु रेष्टुरेन्ट लगेर उपचार गरिने अध्यक्ष चौधरीले बताएका छन् ।
© २०२३
सर्वाधिकार सुरक्षित
Design & Developed By:
