खोज

नेपालगञ्ज, फागुन ५ ।   लुम्बिनी प्रदेशकी सहरी विकास मन्त्री कृष्णा केसी नमुनाले योग विज्ञान जीवनोपयोगी भएकाले हरेक नागरिकले योग गर्नुपर्ने बताएकी छन् । योग समिति नेपालको साधारणसभा एवम् तेस्रो अधिवेशनको शनिवार नेपालगञ्जमा उदघाटन गर्दै मन्त्री नमुनाले अस्वस्थकर जीवनशैली बढ्दै गएको सन्दर्भमा हरेक नागरिकलाई योगमा जोड्न जरुरी रहेको बताइन् ।

स्वस्थ नागरिक उत्पादन गर्नु पनि विकासको अवधारणा भित्र पर्ने बताउँदै मन्त्री केसीले योग विज्ञानलाई सदुपयोगकोलागि सरकार गम्भीर हुन जरुरीरहेको महसुस भईरहेको उल्लेख गरिन् बाँकेका प्रत्येक पालिकामा योग समितीलाई क्रियाशिल र ब्यवस्थित बनाउन सुझाव दिँदै मन्त्री केसीले नेपालगञ्जमा अब हजारौं नागरिकले एकसाथ योग गर्न मिल्ने भवनको योजना सहित प्रस्ताव लिएर आउन आग्रह गरिन् ।

मन्त्री केसी ले भनिन् ‘तपाईहरु यसको योजना सहित प्रस्ताव लिएर आउनुस म विधी र प्रक्रिया अनुसार मन्त्रालयको तर्फबाट सहयोगकोलागि तयार छु ।’ योग विज्ञान मानव जीवनका लागि अत्यन्त महत्वपूर्ण भएको बताउँदै उनले स्वस्थ मनस्थिति, स्वस्थ विचार र शारीरिक तन्दुरुस्तीले मात्र सार्थक र सुन्दर जीवन बाँच्न सकिने उल्लेख गरिन् ।

स्वस्थ भए मात्र मानव क्रियाकलाप सही ढंगले अगाडि बढ्ने मन्त्री नमुनाको भनाई छ ।
बाँकेमा २०७६ सालमा स्थापना भएको योगसमिती नेपालमार्फत नेपालगञ्ज उपमहानगरपालिकाको २३ वटै वडामा हाल ७ हजार जनाले योगबाट लाभ लिईरहेको योग समिती नेपालका केन्द्रीय अध्यक्ष एवं योग गुरु गिरिराज भट्टराईले जानकारी दिए । अध्यक्ष भट्टराईका अनुसार योग समिती नेपाल हाल ७ वटा जिल्लामा पुगीसकेको र डेढलाअख बढीले लाभ लिएकाछन् ।

देशका नागरिकलाई स्वस्थ बनाउन र स्वस्थ जिवन शैली अपनाउन सिकाउन राज्यले गर्नुपर्ने काम सुमुदाय स्तरबाट योगसमिती नेपालले गरिरहेको योग गुरु भट्टराईले दावी गरे ।
साधारण सभामा २३१ जनालाई योगसमिती नेपालको आजिवन सदस्यता पनि वितरण गरिएको थियो । तेस्रो अध्विेशनबाट अध्यक्षमा योग गुरु गिरिराज भट्टराई, उपाध्यक्ष निर्मला शाह र लोकमाया सुवेदी (सुमित्रा ), सचिव चिरञ्जीवी ज्ञवाली, कोषाध्यक्ष अम्बिका कोइराला सहसचिव टन्क पौडेल, सह कोषाध्यक्ष मन्दरा शर्मा चयन भएकाछन् । यसैगरी सदस्यहमा झबिलाल शर्मा , प्रेम केसि , सविता शर्मा ,दिपक थापा, मेघराज बराल , प्रमोद अग्रबाल र मनोनित सदस्य सुनिता पन्थि र वसन्त गौतम चयन भएकाछन् ।