खोज

बुटवल ।

नयाँ गाउँ माध्यमिक विद्यालयको आयोजनामा अन्तर विद्यालय हाजिरीजवाफ प्रतियोगिता सम्पन्न भएको छ ।

विद्यालयले ६१ औ वार्षिकोत्सवका अवसरमा हाजिरीजवाफ प्रतियोगिताका साथै पुरस्कार वितरण कार्यक्रम गरिएको हो ।

त्यस अवसरमा विद्यालयले विभिन्न खेलकुद विधामा प्रथम, द्वितीय, तृतीय हुने विद्यार्थीहरुलाई पुरस्कार बितरण गरेको छ । कार्यक्रमको उदघाटन बुटवल उपमहानगरपालिका शिक्षा महाशाखा निर्देशक टिकाराम पन्थीले गरेका थिए ।

त्यस अवसरमा विद्यालय व्यवस्थापन समिति अध्यक्ष पुरुषोत्तम बस्याल, प्रधानाध्यापक पुरुषोत्तम भट्टराई सहायक प्रधानाध्यापक बिष्णु प्रसाद काफ्ले, भरतमणि घिमिरे, शिक्षक अभिभावक संघ अध्यक्ष नरेन्द्र भन्डारी बिद्यालय व्यवस्थापन समिति सदस्य इन्दिरा मरासिनी, सल्लाहकार गणेश पौडेललगायतले मन्तव्य व्यक्त गरेका थिए ।

अन्तर मावि हाजिरजवापका साथै लोक नृत्य प्रतियोगिता पनि सम्पन्न भएको छ । जसमा नृत्य तर्फ प्रथम बुटवल एक्स आर्मी, द्वितीय मोतिपुर मावि, तृतीय सरस्वती मावि र हाजिरजवाफ प्रतियोगितामा बुटवल ग्लोरी स्कुल प्रथम, द्वितीय एभर साईनिङ स्कुल, तृतीय नयाँगाउँ मावि भएको छ । शनिबार मूल समारोह, भवन उदघाटन तथा बिभिन्न कार्यक्रम सहित भब्य रुपमा मनाउने तयारी गरिएको छ ।