© २०२३
५ आश्विन २०८१, शनिबार
५ आश्विन २०८१, शनिबार
सुर्खेत,४ फागुन ।
कर्णालीमा सत्तारुढ दलहरूबिच बढेको खटपट बाहिर आएको छ । सरकार गठनको सुरुवातसँगै आन्तरिक रुपमा भएको असन्तृष्टि अहिले भने बाहिरिएको छ । बिहीबार साँझ पूर्व मुख्यमन्त्री एवम् कांग्रेस संसदीय दलका नेता जीवनबहादुर शाहीले सामाजिक सञ्जालमा कर्णालीमा काँग्रेस सरकारबाट बाहिरिनु उपयुक्त हुने कुरा लेखेसँगै सरकारबिच खटपट सुरु भएको बुझिएको छ । शाहीले यस अघि पनि कर्णाली सरकारका मुख्यमन्त्री राजकुमार शर्मासँगै अन्य मन्त्रीलाई कार्यशैली सुधार्नुपर्ने सुझाव दिंदै आएका थिए ।
शाहीले कांग्रेस सरकारबाट बाहिरिनु उपयुक्त भएको लेखेसँगै कर्णाली सरकारमा नयाँ तरंग पैदा भएको छ । ‘यो अराजकको अवस्थामा कर्णालीमा काँग्रेस सरकारबाट बाहिरिनु उपयुक्त हो’ शाहीले फेसबुक स्टाटसमा लेखेका छन्, ‘सोही बमोम काँग्रेसबाट सहभागी मन्त्रीहरुले व्यवस्थापन गर्दा राम्रो होला ।’ शाहीको स्टाटससँगै कर्णाली सरकारमा हलचल हुने सम्भावना देखिएको छ । कांग्रेस कर्णालीको प्रमुख सत्ता साझेदार दल हो । कांग्रेसले अर्थ, सामाजिक र उद्योग गरी तीन मन्त्रालयको जिम्मेवारी सम्हालिरहेको छ ।
© २०२३
सर्वाधिकार सुरक्षित
Design & Developed By:
