खोज

पार्वती थारु

तिलोत्तमा, २६ माघ ।

रुपन्देहीको तिलोत्तमा नगरपालिका वडा नं. १३ मा विद्यार्थीसँग वडा अध्यक्ष कार्यक्रम सम्पन्न भएको छ ।

तिलोत्तमा वडा नं. १३ मा रहेको श्री सेमरी आधारभुत विद्यालयमा कार्यक्रम गरिएको थियो । समुन्नत, सुरक्षित र वातावरणमैत्री सुन्दर सहर सुशासनयुक्त पर्यटकीय र समृद्ध तिलोत्तमा नगर भन्ने मूल नारासहित विद्यार्थीसगँ वडा अध्यक्ष कार्यक्रम गरिएको हो । कार्यक्रममा श्री सेमरी आधारभुत विद्यालयमा अध्ययरत विद्यार्थीहरुले पाठ्यपुस्तक, पुस्तकालय लगायत खेल्ने शैक्षिक सामग्रीको आवश्यकता रहेको बताएका थिए ।

यस्तै कक्षाकोठाको उचित व्यवस्थापन गरिदिनका लागि वडा अध्यक्षसँग माग गरेका थिए । विद्यार्थीहरुको मागलाई सम्बोधन गर्दै तिलोत्तमा नगरपालिका वडा नं. १३ का वडाअध्यक्ष नारायण ढकालले विद्यार्थीलाई आवश्यक पर्नै शैक्षिक सामग्रीका लागि रु २५ हजार वडाबाट दिने घोषणा गरेका छन् ।

उनले विद्यार्थीको गुणस्तरीय शिक्षाका लागि वडाले प्रत्येक विद्यालयमा अनुगमन, रेखदेख र नियमन गर्ने गरेको बताए । विद्यालयका प्रध्यानाध्यापक गोविन्द प्रसाद उपाध्ययले श्री सेमरी आधारभुत विद्यालयमा भौतिक अवस्था सुधारको आवश्यकता रहेको बताउँदै छिटो भन्दा छिटो सुधार गरिदिन वडाअध्यक्षसँग माग गरे । उनले विद्यार्थीका लागि किताव र शैक्षिक सामग्रीका लागि वडाले दिने सहयोगले शिक्षण गर्न सहज हुने बताए ।

तिलोत्तमा नगरपालिका वडा नं. १३ बालमैत्री समितिको आयोजनामा सम्पन्न भएको कार्यक्रममा समितिका प्रतिनिधि, सचिव, सदस्य, विद्यालयका प्राचार्य, शिक्षकशिक्षिका तथा वालविकासदेखि कक्षा ५ सम्मका विद्यार्थीहरुको सहभागिता रहेको थियो ।