खोज

देवदह ।

देवदह ईङलिश बोर्डिङ स्कुलमा शहीद दिवसको अवसर पारी विभिन्न प्रतियोगिताहरु सप्पन्न भएका छन् । जस अन्तर्गत वक्तृत्वकला र कविता वाचन प्रतियोगिता सम्पन्न भएको हो । विद्यालयलमा गठित सुनौलो बाल क्लबद्वारा अतिरिक्त क्रियाकलाप अन्तर्गत खुल्ला अंग्रेजी र नेपाली वक्तृत्वकला प्रतियोगिता संगै कविता वाचन प्रतियोगिता सम्पन्न भएको हो ।

नेपाली वक्तृत्वकला प्रतियोगितामा प्रशान्त देवकोटा, अनुज काफ्ले र निकिता पौडेल क्रमशः प्रथम, द्वितीय र तृतीय स्थान हासिल गर्न सफल भएका थिए भने अंग्रेजी वक्तृत्वकला प्रतियोगितामा प्रज्वल देवकोटा, शीर्षक तिवारी र अश्री तिमिल्सिना क्रमशः प्रथम द्वितीय र तृतीय स्थान हासिल गर्न सफल भएका थिए ।

त्यसैगरी नेपाली कविता प्रतियोगितामा उषा डुम्रे, जीवन वस्याल र दिया न्यौपाने क्रमशः प्रथम, द्वितीय र तृतीय स्थान हासिल गर्न सफल र अंग्रेजी कविता प्रतियोगितामा आरजु भुसाल, स्वस्तिका पुरी र विपिन पाण्डे क्रमशः प्रथम, द्वितीय र तृतीय स्थान हासिल गर्न सफल भएको सुनौलो बाल क्लबका अध्यक्ष शिखर पाण्डेले जानकारी दिए ।

कार्यक्रमको उदघाटन् विद्यालयका संस्थापक प्राचार्य विष्णु प्रसाद पौडेलले गरेका थिए सह प्राचार्य विष्णु प्रसाद अर्याल र शिक्षिका यमाकान्ति भट्टराईले निर्णायकको भूमिका निभाएका थिए । कार्यक्रममा शिक्षक विशाल प्रधान, विद्यार्थी एलिसा थापालगायतले पनि मन्तव्य व्यक्त गरेका थिए ।