खोज

रोल्पा, १९ पुस ।

सशस्त्र प्रहरी महानिरीक्षक राजु अर्यालले सेवाप्रवाहमा जनताले पाउने सन्तुष्टी नै प्रहरीको सफलता भएको वताएका छन् । महानिरीक्षक अर्यालले उक्त कुरा रोल्पाको सदरमुकाम लिवाङमा नवनिर्मित कार्यालय भवनको उद्घाटन गर्ने क्रममा वताएका हुन् ।

दैनिकी ढुक्कसंग निर्वाह गर्न पाउनु नागरिकको अधिकार भएको वताउँदै नागरिकको उक्त अधिकार उपभोग गर्ने वातावरण वनाई दिनु प्रहरीको कर्तव्य भएको महानिरीक्षक अर्यालको भनाई थियो । “आग्रह पूर्वाहग्रह त्याग गर्दै संगठनलाई अझै चलायमान वनाए मात्रै जनताको मन जित्न सकिन्छ”– महानिरीक्षक आर्यालले भने ।

विपद् उद्धार तथा राहत र सीमा सुरक्षामा सशस्त्र प्रहरी वलले खेलेको भूमिका प्रशंसनीय भएको चर्चा गर्दै भित्रदो आधुनिक प्रविधिसंग पनि समायानुकुल समायोजन हुनु पर्ने अर्यालको भनाई थियो । “प्रहरीलाई समस्यावाट जुध्ने छुट छ भाग्ने छुट छैन”–सशस्त्र प्रहरी महानिरीक्षक अर्यालले भने ।

महानिरीक्षक अर्यालले २०५५ सालमा नेपाल प्रहरीमा प्रहरी निरीक्षकको रुपमा सेवा प्रवेश गर्दा रोल्पावाटै जागिरे जीवनको सुरुआत गरेको स्मरण गरे ।

सशस्त्र प्रहरी वल नेपाल आश्रित गुल्म रोल्पाको रोल्पा नगरपालिका वडा नंं. २ रेउघामा करिव २ करोड ४० लाखको लागतमा निर्मित भवनको विहिवार महानिरीक्षक आर्यालले उद्घाटन गरेका हुन ।