खोज

सुर्खेत, १६ पुस ।

गएको शुक्रवार बालकुमारीमा प्रहरीको झडपमा परी दुई युवाको ज्यान गएको विषयलाई लिएर कर्णालीमा युवाहरु विभिन्न आन्दोलनका कार्यक्रमहरु अगाडि बढाएका छन् । शुक्रबार ललितपुरको बालकुमारीमा प्रहरीसँगको झडपमा दैलेख र अछामका दुई युवाको मृत्यु भएपछि पीडितका आफन्तहरु तथायुवाहरु मिलेर विरोधकाकार्यक्रमहरु बन्दै गएका छन् ।

आक्रोशित युवाहरुले सुर्खेतको विरेन्द्रनगरमा उपप्रधानमन्त्री तथा गृहमन्त्री नारायणकाजी श्रेष्ठ र भौतिक पूर्वाधार तथा यातायातमन्त्री प्रकाश ज्वालाको पुत्ला जलाइएको छ । विरोध स्वरुप जिल्ला प्रशासन कार्यालय अगाडि गृहमन्त्री श्रेष्ठ र भौतिकमन्त्री ज्वालाको पुत्ला जलाएका हुन् । शुक्रबार साँझबाट सुरु भएको आन्दोलनमा गृहमन्त्री श्रेष्ठ र भौतिकमन्त्री ज्वालाको राजीनामा माग गर्दै प्रदर्शन गरिरहेका छन् ।

पीडित पक्षले घटनाका दोषीलाई कारबाही गर्नुपर्ने, गृहमन्त्री श्रेष्ठ र भौतिक पूर्वाधारमन्त्री ज्वालाले राजीनामा दिनुपर्ने, मृतकलाई शहीद घोषणा गर्नुपर्ने, परिवारको आजीवन जीवन सुरक्षाको ग्यारेन्टी हुनुपर्ने लगायतका माग अघि सारेका छन् । आन्दोलनका कारण सुर्खेतमा सरकारी सवारी साधन चलाउन पूर्ण रूपमा रोक लगाइएको छ ।