खोज

बुटवल, ७ पुस ।  रुपन्देहीमा एक दशक देखी आवासिय र खानाका परिकारबाट सेवाग्राहीको मन जितेको सिद्धार्थ कटेज रेष्टुरेन्टले पुस महिनालाई विन्टर मन्थ र अग्रेजी नया वर्षको स्वागतमा विविध कार्यक्रम गरि मनाउने भएको छ । गतवर्षमा झै ग्राहक वर्गलाई चिसो मौसममा निशुल्क तातो कफी, सुपबाट न्यानो स्वागत गर्ने भएको हो । यसैगरि यो महिनाको प्रत्येक शुक्रबार सागितिक र रमाइलो कार्यक्रम गर्ने भएको छ ।

कटेजमा हरेक दिन बिहान ७ देखी १० सम्म सेवाग्राहीहरुलाई कफी, यसैगरि लन्च र डिनर टाईममा तातो सुपबाट स्वागत गर्ने सिद्धार्थ ग्रुपका क्षेत्रिय प्रबन्ध ईन्द्रलाल न्यौपाने (महेन्द्र) ले बताए । यसैगरि ११ देखी ३ बजे (हयाप्पी हावर) मा नेपाली थाली लिने सेवाग्राहीलाई १५ प्रतिशत, वेभरेजमा २० प्रतिशत छुटको ब्यवस्था गरेको उनले बताए । कटेजमा दैनिक ‘डेलि सेभ स्पेशल’ रहने छ ।

पुस महिनाको पहिलो शुक्रबार फाईडे नाईट भब्य रुपमा सागितिक कार्यक्रम गरि सम्पन्न भएको बुटवल शाखा म्यानेजर केशवराज बश्यालले बताए । कटेजमा हास्यकलाकार उज्वल गिरि (दानबिर), युवा गायक दिपान्सु श्रेष्ठ, सरिता पन्थीले रमाइलो प्रस्तुती दिएका थिए । पुस महिनाको चार हप्ता नै कटेजमा विशेष साप्ताहिक सास्कृतिक कार्यक्रम हुने भएको छ । ‘प्रत्येक शुक्रबार राष्ट्रिय र स्थानिय कलाकारहरुबाट प्रस्तुती पेश गर्नेछौ ।’—उनले भने । दर्शकको मागलाई मध्येनजर गरि स्टे अप कमेडी, कल्चर डान्स, म्युजिकल ईभेन्ट, गेस्ट कम्पिटिसन जस्ता कार्यक्रममा जोड दिने उनले बताए । पुस महिनाको दोस्रो शुक्रबार साहिर ग्रुपको सास्कृतिक नृत्य, हास्य कलाकार उज्वल गिरि (दानबिर), युवा गायक दिपान्सु श्रेष्ठ, सरिता पन्थीको प्रस्तुती रहने उनले बताए ।

मिलन चोकमा रहेको कटेजमा हाल १६ वटा डिलक्स कटेज रुमहरु रहेका छन । आरामदायी रेष्टुरेन्ट, बार, ३ वटा कटेज, १० देखी २५ क्षमताको ५ वटा पिडिआर हल रहेका छन । यसैगरि अन्य विविध कार्यक्रमका लागि ५ सय, ३ सय र २ सय क्षमताका ३ वटा बैक्युड हलहरु छन । कटेजमा हाल ८ जना सेफसहित प्रोडक्सनमा २० जना स्टाफ, सर्भिस डिपार्टमेन्टमा २० जना, हाउस किपिङमा १० जना, फन्ट अफिसमा ४ जना, ब्यवस्थापन र एकाउन्टमा ६ जना, सुरक्षा गार्डमा ४ जना स्टाफ कार्यरत छन ।