खोज

रोल्पा, ११ मंसिर ।

नेपाल कम्युनिष्ट पार्टीका महासचिव नेत्रविक्रम चन्द विप्लवले रोल्पाका विभिन्न स्थानमा आयोजित एक हप्ता लामो कार्यक्रममा सरिक भएका छन् । दशौं पार्टी पुनर्गठनको अवसरमा रोल्पाको थवाङमा मंसिर ८ मा आयोजित जनसभालाई सम्वोधन गर्न रोल्पा आएका विप्लवले जिल्लाका अन्य स्थानमा आयोजित कार्यक्रमहरुलाई समेत सम्वोधन गरेका थिए ।

मंसिर ६ गते पार्टी केन्द्रीय कार्यालय कपिलवस्तु शिवगढीवाट रोल्पा प्रस्थान गरेका विप्लवले सोही दिन सुलिचौरमा आयोजित भेटघाट कार्यक्रमलाई सम्वोधन गरेका थिए । पार्टीका अगुवा कार्यकर्ता, समर्थक, सर्वसाधारण तथा स्थानीय व्यापारी, वुद्धीजीवि सहित अन्य दलका नेता कार्यकर्ताको समेत सो कार्यक्रमको सहभागिता रहेको नेपाल कम्युनिष्ट पार्टीका पुर्वी रोल्पा ईन्चार्ज मनिराज सीले जानकारी दिए । सोही दिन वेलुका रोल्पाको थवाङ ५ उवामा वास वसेका विप्लवले उवामा पार्टी कार्यकर्ता संग भेटघाट गरेका थिए ।

मंसिर ८ गते नेपाल कम्युनिष्ट पार्टी थवाङले आयोजना गरेको जनसभालाई महासचिव विप्लवले सम्वोधन गरेका थिए । संवोधनका क्रममा विप्लवले वाम एकता अहिलेको आवश्यकता रहेपनि मन्त्री वा सांसद वन्नका लागि एकता नहुने वताए । समाजवादी यात्राको लागि वामपन्थीहरु वीच एकता जरुरी छ महासचिव विप्लवले भने । जनसभामा सो पार्टीका केन्द्रीय सचिवालय सदस्यहरु सन्तोष वुढामगर, अनिल विरही र केन्द्रीय सदस्य सविन सीले वोलेका थिए । कार्यक्रमका केन्द्रीय सामना सांस्कृतिक परिवारले गीत तथा नृत्य प्रस्तुत गरेको थियो । सोही कार्यक्रममा नेपाल कम्युनिष्ट पार्टी थवाङले ठूलो गाउँमा निर्माण गरेको शहिद स्तम्भको महासचिव विप्लवले उद्घाटन गरेका थिए ।

मंसिर ९ गते महासचिव विप्लवले थवाङ गाउँपालिकाका अगुवा कार्यकर्ताहरुलाई प्रशिक्षण दिएका थिए । प्रशिक्षणका क्रममा कम्युनिष्टले कम्युनिष्टमाथि नराम्रो व्यवहार गर्न नहुने महासचिव विप्लवले वताएका थिए । दशवर्षे जनयुद्धवाट केही उपलव्धी प्राप्त भएको वताउदै “ती उपलव्धी पूर्ण होइनन्” महासचिव विप्लवले कार्यकर्ता माझ भने ।

राजतन्त्र फर्काउने गरी दुर्गा प्रसाईहरु अघि वढेको सन्दर्भमा वोल्दै महासचिव विप्लवले यो असम्भव कुरा भएको बताए । ३ घण्टा वढी समय प्रशिक्षणमा सहभागी भएका महासचिव विप्लव सोही दिन नेकपा पश्चिम रोल्पाले आयोजना गरेको छलफल कार्यक्रममा समेत सरिक भएका थिए । स्थानीय पार्टी कार्यकर्ता, शुभेच्छुक, अन्य पार्टीका समर्थक, सर्वसाधारण तथा स्थानीय वुद्धीजिविहरु सहभागी उक्त कार्यक्रमपछि बास वस्न विप्लव जन्म घर केवरी गएका थिए । मंसिर १० गते विहान केवरीमा विप्लवले स्थानीयहरु संग भलाकुसारी र समसमायिक विषयमा छलफल गरेका थिए । केवरीमा जन्मिएर सदरमुकाम लिवाङवाट एसएलसी उत्तिर्ण गरेका विप्लवको परिवार धेरै पहिले कपिलवस्तुको शिवपुर सरेको हो ।

मंसिर १० गते दिउँसो महासचिव विप्लवले माडी गाउँपालिकाको घर्तीगाउँमा आयोजित भेटघाट तथा अन्तरक्रिया कार्यक्रमलाई समेत सम्वोधन गरेका थिए । नेपाल कम्युनिष्ट पार्टी पश्चिम रोल्पाले आयोजना गरेको उक्त कार्यक्रममा माडी गाउँपालिकाका पार्टी कार्यकर्ता, शुभेच्छुक, अन्य पार्टीका नेता कार्यकर्ता, वुद्धिजीवि र शिक्षकहरुको सहभागिता रहेको थियो । एक हप्ता लामो रोल्पा भ्रमणले आफुमा नयाँ उर्जा थपिएको महासचिव विप्लवले वताए ।

महासचिव विप्लव मंसिर ११ गते विहान रोल्पा सदरमुकाम लिवाङमा आयोजित कार्यक्रममा सरिक भएका थिए । नेपाल कम्युनिष्ट पार्टी मध्य दक्षिण रोल्पाले आयोजना गरेको उक्त भेटघाट तथा अन्तरक्रिया कार्यक्रममा सो पार्टीका मध्य दक्षिण क्षेत्रका कार्यकर्ता, अन्य पार्टी समर्थक, वुद्धिजीवि, पत्रकार लगायतको उपस्थिति रहेको थियो । अन्तरक्रिया कार्यक्रमका वाम एकता, समाजवादी क्रान्तिको मोडेल, विकासका दृष्टिमा रोल्पाको अवस्था लगायतका विषयमा छलफल भएको नेपाल कम्युनिष्ट पार्टी रोल्पा नगरपालिका ईन्चार्ज लालवहादुर सीले जानकारी दिए ।

महासचिव विप्लव संग पार्टीका सचिवालय सदस्यहरु सन्तोष वुढामगर, अनिल विरही, पोलिटव्युरो सदस्यहरु चुडामणी वली, नन्दवहादुर वुढामगर, असल सी, चिरण सीलगायत केन्द्रीय सदस्यहरुको उपस्थिति रहेको नेपाल कम्युनिष्ट पार्टी पूर्वी रोल्पा ईन्चार्ज मणिराज सीले जानकारी दिए ।