© २०२३
६ मंसिर २०८१, बिहीबार
६ मंसिर २०८१, बिहीबार
सुर्खेत, २२ कात्तिक ।
रुकुमपश्चिमका साढे तीनहजार बढी परिवारहरूलाई राहत वितरण गरिएको छ । जिल्ला प्रहरी कार्यालय रुकुम पश्चिमका अनुसार सात सय २० घरका तीनहजार सात सय ५२ परिवारलाई राहत वितरण गरिएको हो ।
सानोभेरी गाउँपालिकाको वडा नम्बर २ का एक सय ३३ घरका सात सय २८ परिवारलाई त्रिपाल, म्याट्रेस र कम्बल वितरण गरिएको छ । यस्तै चौरजहारी नगरपालिकाका वडा नम्बर १०, १२ र १४ मा दुई सय ८८ घरका एक हजार पाँच सय ११ परिवारलाई चामल, दाल, चिउरा, साबुन ब्लाङ्केट वितरण गरिएको छ ।
प्रहरीका अनुसार मुसिकोट नगरपालिकाको १३ र १४ नम्बर वडामा पनि राहत वितरण गरिएको छ । यहाँका ९४ घरका ४८४ परिवारलाई चामल, दाल, चिउरा, साबुन र ब्ल्याङ्केट वितरण गरिएको छ । यस्तै आठ बिसकोट नगरपालिकाका ९, १०, ११, १३ र १४ मा पनि एक सय ५५ घरका सात सय ४४ परिवारलाई चामल, दाल, नुन, तेल, त्रिपाल, म्याट्रेस र कम्बल वितरण गरिएको छ । यस्तै त्रिवेणी गाउँपालिकाको ९ नम्बर वडाका दुई सय ८५ परिवारलाई त्रिपाल वितरण गरिएको छ । गएको शुक्रवारको भूकम्पका कारण रुकुम पश्चिम र जाजरकोटमा जनधनको क्षति भएको छ ।
© २०२३
सर्वाधिकार सुरक्षित
Design & Developed By:
