© २०२३
५ आश्विन २०८१, शनिबार
५ आश्विन २०८१, शनिबार
सल्यान, २१ कात्तिक ।
प्लाष्टिकजन्य फूलगुच्छाको उत्पादन, आयात, विक्री वितरण वा भण्डारणमा रोक लगाएको सल्यानको शारदा नगरपालिकाले बजार अनुगमन गरेको छ । प्लाष्टिक माला विक्री वितरणको अवस्था बुझ्न सोमबार श्रीनगरमा बजार अनुमगनको क्रममा ६० थान प्लाष्टिक माला बरामद गरिएको नगरपालिकाले जनाएको छ ।
नगर उप प्रमुख सुस्मिता सापकोटाको अगुवाईमा भएको अनुगमनमा शितलपाटी प्रहरी, उद्योग वाणिज्य संघ र श्रीनगर बजार व्यवस्थापन समितिको सहभागिता रहेको थियो । स्थानीयस्तरमा उत्पादन भएका फूलको बिक्रीमा सहजताका लागि नगरपालिकाले प्लाष्टिकका फूलमालामा प्रतिबन्ध लगाएको छ ।
स्थानीयस्तरमा फूल उत्पादनमा लागेका व्यवसायीलाई प्रोत्साहनसँगै प्लास्टिक सामग्रीलाई निरुत्साहित गर्न प्राकृतिक फुल प्रयोग गर्न नगरपालिकाको आग्रह छ । वातावरणीय रूपमा प्लास्टिक मालाले प्रदूषण गर्ने र स्थानीयस्तरमा कृषकले उत्पादन गरेका फूलले बजार नपाउने भएका कारण विभिन्न स्थानीय तहहरुले प्लास्टिक मालालाई प्रतिबन्ध गरेका छन् ।
© २०२३
सर्वाधिकार सुरक्षित
Design & Developed By:
