खोज

बुटवल, १२ असोज । रुपन्देहीका फुटबल खेलप्रेमी स्वर्गिय नेत्र बहादुर आचार्य क्षेत्रीको स्मृतिमा फुटसल प्रतियोगिता शुरु भएको छ । शिवनगर युवा परिवारको आयोजनामा मणिग्रामस्थित युनिक फुटसल खेलमैदानमा शुक्रबार एक समारोहका बिच स्वर्गीय नेत्र बहादुर आचार्य क्षेत्रीकी धर्मपत्नी हिरादेवि आचार्य क्षेत्रीले रेफ्रीलाई बल हस्तान्तरण गरि प्रतियोगिताको उद्घाटन गरिन ।

शुक्रबार भएको उद्घाटन खेलमा राजेश स्मृति फाउन्डेसनले विजयी शुरुवात गरेको छ । राजेशले शान्ति दिप क्लबलाई ४—३ गोल अन्तरले पराजित गर्दै दोस्रो चरणमा प्रवेश गरेको छ । शिवनगर युवा परिवारका अध्यक्ष सरोज शेरचनले खेल क्षेत्रबाट नेपाली खेलमा लागेर युवाहरु अनुसासित र नाम कमाउन सफल भएको उदाहरण पेश गरे । युवाहरुलाई प्लटफर्म दिने गरि प्रतियोगिता आयोजना गरेको भन्दै उनले नीजि क्षेत्रबाटमात्र खेल विकास हुन कठिन रहेको बताए ।

प्रतियोगिताको उपाधि विजेताले नगद ३५ हजार, कप, मेडल, प्रमाणपत्रबाट पुरस्कृत गरिने छ । यसैगरि उपविजेता टिमले नगद २० हजार रुपैया, कप, मेडल, प्रमाणपत्र तथा विधागत रुपमा उत्कृष्ट गोलकिपर, उत्कृष्ट खेलाडी तथा सर्वाधिक गोलकर्तालाई समेत पुरस्कृत गरिने छ । असोज १२ र १३ गते दुई दिने चल्ने फुटसल प्रतियोगितामा २४ टिमले भाग लिएको क्लबका सहयोगी किरण रानाले बताए ।