खोज

बुटवल, ११ असोज। अन्तराष्ट्रिय केम्पो काई संगठन अन्तरगत नेपाल केम्पो काई संघको लुम्बिनी प्रदेशको प्रथम अधिवेसनबाट राजकुमार पाण्डेको अध्यक्षतामा ११ सदस्यीय नया कार्यसमिति गठन भएको छ । मार्शल आर्टका खेलाडीहरुको अगुवाईमा बिहिबार सम्पन्न अधिवेशनबाट उपाध्यक्षमा कुमार शाही, सचिव प्रकाश गैरे, कोषाध्यक्ष सृष्टि श्रेष्ठ, सदस्य गणेश कुवर, सम्भु मुसहर, नवराज खरेल, अदित विक, दान बहादुर सोमै, टिना थापा, सुजन कुमाल सर्वसम्मत भएका हुन ।

कार्यक्रममा कार्यवाहक केन्द्रीय अध्यक्ष नाराज बहादुर खड्का (हरि) ले राष्ट्रिय खेलकुद परिषदमा २०६९ मा दर्ता भएको संघ मार्शल आर्ट खेल विकासमा लागेको बताए । बुदो मार्शल आर्टका रुपमा चिनिन्छ जुन तरबारको धारजस्तै शिक्षा बन्ने खेलका रुपमा यो खेलको नामाकरण भएको उनले बताए । कुल ४ वटा विधाहरु रहेको खेलमा जुहो काता जुहो सेल्फ डिफेन्स, काता र गुन्द्रीको चोहो काट्ने (तातामी) तथा १४ वर्षभन्दा मुनि महिलामा खुट्टामा सुरक्षा कवचसहित खेल्दा कम्मरभन्दा मुनि हान्न नपाउने, मुखमा हान्न नपाईने, यसैगरि १४ वर्षभन्दा माथिका भने कम्मरभन्दा तल हान्न पाउने पोईन्टको आधारमा खेलिने उनले बताए । यो खेलका विभिन्न देशमा ६७ जना खेलाडीहरु प्रशिक्षण गराउदै आएको छ भने नेपालमा ३७ बढि केन्द्रीय प्रशिक्षकहरु रहेको उनले बताए । बाहिरी देशमा राम्रो खेलको प्रचार रहेको भन्दै उनले देशभित्र नै विस्तार गरि प्रभावकारी बनाउने तयारीमा रहेको बताए । दक्ष जनशक्ति निर्माणमा जोड दिदै प्रशिक्षक र खेलाडी तयारीमा आफुहरु लागेको उनले बताए । नेपालमा रहेको १७ वटा सामुराई खेलाडीहरु रहेको बताए । यो खेललाई प्रर्दशन खेलको रुपमा मान्यता पाउने गरि अघि बढाउने तयारी समेत रहेको उनले बताए ।

कार्यक्रममा प्रदेश खेलकुद परिषद लुम्बिनीका कार्यवाहक सदस्य सचिव नरेन्द्र थापाले खेलकुदलाई उचाईमा पुर्याउन खेलाडीको अनुसासन महत्वपुर्ण हुने बताए । पुर्व खेलाडीका रुपमा नेपालबाट धेरै प्रतियोगितामा भाग लिएको अनुभवहरु सुनाउदै उनले खेलाडीको समस्याबारे आफुलाई राम्रो जानकारी भएको बताए । नेपाली खेल र खेलाडीको विकासको गति लिन नसकेको दुखेसो गर्दै थोरै लगानीमा धेरै उपलब्धीहरु प्राप्त भएको दाबी गरे ।

कार्यक्रममा जापान गुजोरिया कराते डो मिसनका चिफ कोच केबी राना काजीले २०७७ को राखेपको ऐन अनुसार पाच वटा प्रदेशमा संघ गठन अनिवार्य अनुसार सबैजसो खेल सम्बद्ध संस्थाहरु अघि बढेको बताए । खेलमा लागेर अनुसासित बन्न सिकाउने, कुलतबाट बचाउने भन्दै उनले मार्शल आर्टका सबैजसो विधामा सिकाई एउटै हुने बताए । राष्ट्रपति र राष्ट्रिय खेल प्रतियोगितामा यो खेललाई समावेश हुने गरि अगाडि बढ्न उनले सुझाव दिए । खेलबाट अन्तरास्ट्रिय पहिचान हुने उदाहरण दिदै उनले खेलाडीको हितमा सरकारको योजना आउनुपर्ने बताए ।

कार्यक्रममा नवनिर्वाचित लुम्बिनी प्रदेश अध्यक्ष राजकुमार पाण्डेले मार्शल आर्टको खेल विकासमा अघि बढाउन संगठित हुन जरुरी रहेको बताए । दशौ राष्ट्रिय प्रतियोगितामा खेलाडी तयार हुने गरि प्रदेशमा खेलाडी उत्पादनमा जोड दिने प्रतिवद्धता जनाए ।