खोज

दाङ, ३१ भदौ ।

दाङ जिल्ला उद्योेग बाणिज्य संघको असोज १३ गते हुन लागेको चुनावमा दुई प्लानल बीच प्रतिष्पर्धा हुने भएको छ । उम्मेदवारीको लागि शनिबार अपरान्ह ४ बजेसम्मको समय तोकिएकोमा कुल २० पदमा ४० जनाको उम्मेदवारी परेको निर्वाचन समिति संयोजक निर्मल गौतमले जानकारी दिए ।

उनका अनुसार, अध्यक्ष पदमा बसन्त जोशी र रामप्रसाद पोख्रेलको उम्मेदवारी परेको छ । जोशी कांग्रेस र माओबादीले गठबन्धन गरेको प्यानलबाट उम्मेद्वारी दर्ता गराएका छन् भने पोख्रेलले वामपन्थी प्यानलबाट उम्मेदवारी दर्ता गराएका छन् । उनलाई राप्रपा, बिप्लब, नेकपा मोटो मसालले समर्थन छ ।

जोशीले अध्यक्षमा उम्मेदवारी दर्ता गराउँदा उनको प्यानलबाट वरिष्ठ उपाध्यक्षमा नरेशकुमार श्रेष्ठ, उद्योग उपाध्यक्षमा भरतप्रसाद रेग्मी, बाणिज्य उपाध्यक्षमा लिलाराम खड्का, महासचिवमा महेन्द्र बुढाथोकी, सचिवमा विकास वली र कोषाध्यक्षमा जगतप्रसाद आचार्यको उम्मेदवारी परेको छ । यसैगरी, जोशी प्यानलबाटै सह कोषाध्यक्षमा माधव खनाल, उद्योग सदस्यमा विक्रम रानाको उम्मेदवारी परेको छ ।

उता, पोख्रेल नेतृत्वको वामपन्थी प्यानलबाट वरिष्ठ उपाध्यक्षमा दिपेन्द्रकुमार पुन मगर, उद्योग उपाध्यक्षमा ध्रुवराज गहतराज, वाणिज्य उपाध्यक्षमा राजभक्त राना, महासचिवमा शालिकराम खनाल, सचिवमा भीमसेन डिसी, कोषाध्यक्षमा प्रेमबहादुर बुढामगरको उम्मेदवारी परेको निर्वाचन समितिले जनाएको छ । यसैगरी पोख्रेल प्यानलबाट सह कोषाध्यक्षमा यादवबहादुर श्रेष्ठ, उद्योग सदस्यमा सन्तोष नेपालीको उम्मेदवारी परेको छ ।

आगामी कार्यकालका लागि नेतृत्व चयन गर्न दलीय रुपमा भाग बण्डा लगाएर प्रतिष्पर्धा गर्न थालिएको उद्योग वाणिज्य संघको निर्वाचनमा महिला सदस्य पदका लागि जोशीको गठबन्धन प्यानलबाट लिला नेपाली र वामपन्थी प्यानलबाट देवकला बस्नेतको उम्मेदवारी परेको छ ।

बस्तुगत सदस्यमा जोशीको गठबन्धन प्यानलबाट विष्णुप्रसाद रिजाल र पोख्रेलको वामपन्थी प्यानलबाट ओमप्रकाश पोख्रेलको उम्मेदवारी परेको छ ।

एशोसियट सदस्यका लागि जोशी समुहबाट युवराज पोख्रेल र पोख्रेल समूहबाट गणेशप्रसाद दाहालको उम्मेदवारी परेको निर्वाचन समितिले जनाएको छ ।

यसैगरी, खुल्ला सदस्यमा जोशीको प्यानलबाट रुद्रबहादुर जैसी, दीपक पण्डित, निमबहादुर बुढाथोकी, युवराज पन्त, रामप्रसाद पोख्रेल, पुष्करराज न्यौपाने, नोर्बु तामाङ, सुरज बुढाथोकीको उम्मेदवारी परेको छ । उता, पोख्रेल नेतृत्वको प्यानलबाट खुल्ला सदस्यमा रणबिक्रम चन्द, राजकुमार गुप्ता, सुशील आचार्य, कृष्णबहादुर कुँवर, अर्जुन पन्थी, रेवन्तकुमार श्रेष्ठ, सन्जय विश्वकर्मा र शेरबहादुर पुनको उम्मेदवारी परेको निर्वाचन समिति संयोजक गौतमले जानकारी दिए । उम्मेदवारी मनोनयन भएसँगै दाङ जिल्ला उद्योग वाणिज्य संघको निर्वाचनको माहोल अझ तातिएको छ ।