खोज

बर्दघाट, २१ भदौ ।
फुटबल खेल र युवा खेलाडीलाई प्लेटफर्म दिने उदेश्यका साथ बर्दघाट नगरपालिका स्तरिय फुटवल प्रतियोगिता हुने भएको छ । बर्दघाट नगरपालिकाको आर्थिक सहयोगमा उदय युवा क्लवको आयोजनामा भदौ २२ गते शुक्रबारबाट हुने भएको हो ।

विहिबार पत्रकार सम्मेलन गरि प्रतियोगिताको आवश्यक तयारी पुरा भएको क्लवका अध्यक्ष जिवन कामु मगरले बताए । नगरका १६ वडाहरुबाट टिम बनाई प्रतिस्प्रर्धा हुने प्रतियोगिताको खेलमैदान, टिम तयार, रेफ्री लगायतका सबै तयारी पुरा भएको उनले बताए । प्रतियागितामा उत्कृष्ट प्रदर्शन गर्ने खेलाडीमध्येबाट छनौट गर्न उपसमिति बनाएर नगरस्तरको टिम तयारीको समेत योजना रहेको उनले बताए । ‘नगरको प्रतिनिधित्व गर्दै अन्यत्र खेल्न जाने टिमको निर्माण गर्ने छौ ।’—उनले भने ।

कार्यक्रममा वडा नम्बर १४ का वडाध्यक्ष एवं नगर प्रवक्ता सन्त बहादुर गाहाले नगरस्तरिय प्रतियोगिताले खेलाडी उत्पादनमा टेवा पुग्ने गरि कार्यक्रम गर्न लागेको बताए । युवाहरुलाई खेलमा आवद्ध गराउदै अनुशासित बनाउदै विकासको काममा अग्रसर गराउने दायित्य आफुहरुको भएको उनले बताए ।

कार्यक्रममा वडा नम्बर १६ का अध्यक्ष एवं सामाजिक विकास समितिका संयोजक भिमकाजी गुरुङ्गले नगरस्तरिय हुदै अन्य धेरै प्रतियोगिता गर्ने लक्ष्य रहेको बताए । प्रतियोगिता भदौ २२ गते शुक्रबारबाट असोज ६ गतेसम्म चल्ने छ । प्रतियोगिताको विजेता टिमले नगद १ लाख रुपैयासहित मेडल, ट्रफि र प्रमाणपत्र तथा उपविजेतालाई नगद ५० हजार रुपैया सहित पुरस्कृत गरिने छ । प्रतियोगितामा उत्कृष्ट प्रदर्शन गर्ने सर्वोत्कृष्ट खेलाडी, उत्कृष्ट गोलरक्षक, उत्कृष्ट मिडफिल्ड र उत्कृष्ट डिफेन्स विधामा समेत पुरस्कारको ब्यवस्था गरिएको छ । प्रतियोगिता सम्पन्न गर्न करिव ६ लाख रुपैया लाग्ने अनुमान गरिएको छ ।