© २०२३
४ आश्विन २०८१, शुक्रबार
४ आश्विन २०८१, शुक्रबार
काठमाडौं,११ भदौ । नेपाली कांग्रेसको शेखर कोइराला–गगन थापा समूहका पार्टी सहमहामन्त्री जीवन परियारले संसदीय सुनुवाइ समितिको सभापति लिन अस्वीकार गरेका छन् ।
कोइराला–थापा समूहले पार्टीले पाएको चारमध्ये दुई समितिको सभापति माग गरेकामा सभापति शेरबहादुर देउवाले एकलौटी गर्दै एउटा समितिमा मात्र दिएका थिए । देउवाले प्रतिनिधिसभाको अर्थ समितिको सभापतिमा सन्तोष चालिसे, सुशासन समितिको सभापति रामहरि खतिवडा र कृषि समितिको सभापतिमा आफ्नै श्रीमती आरजु राणा गरी तीन वटा समितिमा आफ्नो पक्षका सांसदलाई जिम्मेवारी दिइसकेका छन् ।
संघीय संसदको संयुक्त समिति संसदीय सुनुवाइ समितिको सभापतिमा कोइराला–थापा पक्षका परियारको नाम सार्वजनिक गरिएको थियो । तर परियारले आफू सभापति नबन्ने बताएका छन् । आफ्नो पक्षलाई अवमूल्यन गरेकाले उक्त सभापति पद अस्वीकार गरेको स्रोतको दावी छ । पछिल्लो समय कोइराला–थापा पक्षले संस्थापन पक्षको अन्याय नसहने गरी रणनीति बनाएर आक्रामक ढंगले अघि बढेका छन् ।
© २०२३
सर्वाधिकार सुरक्षित
Design & Developed By:
