© 2026
१९ फाल्गुन २०८२, मंगलवार
१९ फाल्गुन २०८२, मंगलवार
काठमाडौं,११ भदौ । नेकपा एकीकृत समाजवादीका सम्मानित नेता झलनाथ खनालले अमेरिकी सहयोग परियोजना एमसीसी राष्ट्रघाती हो भन्दा आफ्नो पार्टी नेतृत्व बोल्न नसकेको गुनासो गरेका छन् । उनले एमसीसीको विरोध गर्नेहरुलाई छानीछानी चुनाव हराएको र त्यसमा आफू पनि परेको टिप्पणी गरेका छन् ।
काठमाडौंमा आयोजित अन्तरक्रिया कार्यक्रमलाई सम्बोधन गर्दै एमसीसीको सवालमा लामो समयसम्म अझै कुरा उठ्न सक्ने बताए ।
साम्राज्यवादका सामुन्ने नतमस्तक भएर एमससिी अनुमोदन गरिएको र यो इतिहासको दुर्भाग्यपूर्ण क्षण भएको खनालले स्मरण गरे । अब सडकबाट विरोध गर्नुको विकल्प नभएको उनले बताए । सदनमा यसको विरुद्ध कुरा उठाएको हुंदा विरोध गर्नेहरुलाई हराउन ठूलो ग्राण्ड डिजाइन गरिएको र त्यसको शिकार आफूलाई पनि बनाइएको खनालले बताए ।
उनले एमसीसी अनुमोदन गरेर नेपालका केही नेताले निधारमा कालो टीका लगाएको टिप्पणी समेत गरे । सदनमा एमसीसीको विरोध गर्ने बेलामा भीम रावलले मात्रै साथ दिएको उनले सुनाए ।
© 2026
All rights reserved.
Design & Developed By:
