खोज

कपिलवस्तु, ९ भदौ । लुम्बिनी विकास कोषका उपाध्यक्ष डा. ल्हारक्यार लामा (प्रथम योल्मो खेन्पो छिमे छिरिङ) ले बृहत्तर लुम्बिनी क्षेत्रको निरीक्षण भ्रमण गरेका छन । भ्रमणको क्रममा रहँदा उनले बृहत्तर लुम्बिनी बुद्धिष्ट सर्किट बनाउने र यसको प्रबद्र्धन गरी अन्तर्राष्ट्रिय बजारमा प्रचारप्रसार गरि आगामी महिना देखि हजारौं धार्मिक पर्यटकहरू भित्राउन सुरु गर्ने बताए ।

उनको यो प्रतिबद्दताको परीक्षा शुरु भएको छ । यस भन्दा अगाडिका पदाधिकारीहरूले पनि उपाध्यक्ष ल्यारक्यारले जस्तै प्रतिबद्दता जनाउँदै आएका थिए । तर लुम्बिनी गुरु योजनाको काम र बृहत्तर लुम्बिनी बुद्धिष्ट सर्किटको सपना भने पूरा हुन सकिरहेको छैन् ।
उपाध्यक्ष डा. लामाले ३ वटा बुद्ध नेपालमै जन्मिएको स्थल भएकाले निकै महŒवपूर्ण रहेको भन्दै तिलौराकोट, रामग्राम सहित बृहत्तर लुम्बिनी क्षेत्रको विकास गर्ने बताए । ‘म भर्खर आएको छु, पहिले यहाँको अवस्थाबारे जानकारी लिदै छु’ उपाध्यक्ष लामाले भने –‘स्थानीय, अगुवाहरू, पत्रकारहरूको सुझावका आधारमा बुद्धजन्मस्थल सहितका क्षेत्रहरूको विकास गर्नेछु ।’ उनले आफू परिणामुखी काम गर्ने गरी जिम्मेवारी सम्हालेको बताए ।

उनले बृहत्तर लुम्बिनी विकासको काम आफ्नै कार्यकालमा पुरा गर्ने प्रतिवद्धता समेत जनाएका छन् । तिलौराकोट दरबार क्षेत्रको निरीक्षण गर्दै बुद्धको जीवनमा निकै महत्वपूर्ण स्थलका रूपमा रहेको यसको विकासमा ध्यान दिने बताए । उनले तिलौराकोट विश्व सम्पदा सूचीमा सूचिकृतको तयारीमा रहेको बताउँदै यसलाई पर्यटकमैत्री बनाउने तर्फ ध्यान दिने बताए ।

संविधानसभा सदस्य तथा पूर्व राज्यमन्त्री समेत रहेका डा. लामाले प्राचिन शाक्यहरूको राजधानी कपिलबस्तु निकै महŒवपूर्ण स्थल रहेकाले यहाँ तीर्थालुहरूलाई मध्यनजर गरी ध्यान तथा पूजा स्थल, बत्ती बाल्ने स्थान आवश्यक देखिएकाले पहल गर्ने बताए । उनले तिलौराकोट दरबारमा तत्तकाल दुवै साईडमा रहेका झाडी, बुट्यानहरूको सरसफाई, ध्यान तथा पूजा स्थल बनाउनका लागि पहल गर्ने बताए । डा. लामाले विश्वभरका बौद्धमार्गीहरूलाई एकपटक लुम्बिनीसँगै तिलौराकोट र रामग्राम लगायतका बृहत्तर लुम्बिनी क्षेत्रमा भ्रमणका लागि अनुरोध गरे ।
उपाध्यक्ष डा.लामा सहितको समुहले कपिलवस्तुको तिलौराकोटसँगै कुदान, गोटीहवा, सगरहवा, निलिहवा, अरूणकोट, सिसनिया र

जगदीशपुरताल लगायत स्थानहरूको अबलोकन तथा निरीक्षण गरेको छ । निरीक्षणमा कोषका प्रमुख प्रशासकीय अधिकृत ज्ञानिन राईले प्राचिन कपिलबस्तु, तिलौराकोट दरबार र कपिलबस्तुका बौद्धस्थलहरूका बारेमा जानकारी गराएका थिए । निरीक्षणमा कोषका परिषद सदस्य गोपी कृष्ण शर्मा, तिलौराकोट इकाका माधवप्रसाद आचार्य लगायतको सहभागिता रहेको थियो । यसअघि बिहीबार उपाध्यक्ष डा.लामाले भगवान् बुद्धको पवित्र अस्थिधातु रहेको ऐतिहासिक धार्मिक स्थल रामग्रामको अवलोकन एवं निरीक्षण गरेका थिए ।

यस्तै बुद्धजन्मस्थल लुम्बिनी स्थित मायादेवि मन्दिर, अशोकस्तम्भ विहारखण्ड सकुर्लर लेभी, शान्तिदीप, शान्तिघण्ट, शान्तिस्तूप, फ्रेण्डसिप ब्रिज, संग्रहालय तथा लिरीआईलाई समेत पर्याटकमैत्री बनाउने र तत्काल माया देवी परिसरमा दर्शनार्थीलाइ दीप प्रज्वलन गर्ने व्यवस्था बनाउने गरी काम थाल्ने समेत उपाध्यक्ष लामाले प्रतिबद्धता जनाएका छन । लुम्बिनी विकास कोषको उपाध्यक्षको जिम्मेवारी समाले लगत्तै डा. लामाले कर्मचारीहरूसँग भेटघाट, कार्यालयहरूको योजना लगायतका बिषयमा जानकारी लिएका छन् ।