खोज

बुटवल, ६ भदौ। राजनीतिक अस्थिरताका कारण ४ वर्ष निलम्वनपछि प्यालेस्टाइनी शारीरिक अशक्त भएका महिला ह्वीलचियर टिमले प्रतियोगितामा सहभागी जनाउन शुरु गरेका छन् । इन्टरनेशनल कमिटी अफ रेडक्रस (आइसीआरसी) को आयोजनामा बुधवारदेखि साद साइएल रंगशालामा शुरु भएको खेल एक हप्तासम्म चल्नेछ । खेलकुदले मानिसलाई मानसिक र शारीरिक बल दिने भएकाले पनि खेल महत्वपूर्ण भएको ह्वीलचियर बास्केटबल खेलाडी फातिमा अल हलोलीले बताए ।

अल हलोलीको प्रशिक्षक हेबा अल रवाघले हलोली टोलीको प्रमुख खेलाडी भएको बताए । ३५ वर्षीया सुहा अबो होडाले २०१६ मा गाजाको महिलाहरुको लागि पहिलो ह्वीलचियर बास्केटबल टोली बनाउन पाउँदा गर्व भएको बताए । खेलले आफूलाई उर्जावान बनाएको उनले बताए ।

प्यालेस्टाइनी पाराओलम्पिक समितिका प्राविधिक निर्देशक मौसा कदुमका अनुसार गाजामा अहिले ८ पुरुष ह्वीलचियर बास्केटबल टोलीहरु छन् । जसले स्थानीय भ्याम्पियनसिपमा प्रतिष्पर्धामा गर्नेछन् । प्यालेस्टाइनी युवा र खेलकुदका लागि सर्वोच्च परिषद्ले सेप्टेम्बरमा वेस्ट बैंक र गाजापट्टी बीचको प्रतियोगिता आयोजना गर्ने बताए । ह्वीलचियरमा महिलाको लागि यो पुनःउत्थान प्रतियोगिता सेप्टेम्बरमा आयोजना हुने लिगको तयारीको लागि हो ।

यस प्रतियोगितामा सहभागीहरुको उमेर १८ देखि ४० वर्षसम्म छ । उनीहरु सबै शारीरिक रुपमा अशक्त छन् । यस प्रतियोगितामा राम्रो प्रदर्शन गर्ने खेलाडीले अन्तर्राष्ट्रिय प्रतियोगितामा स्थान बनाउने छन् ।

भिडियो सामग्री

सिन्ह्वाको सहयोगमा न्युज एजेन्सी नेपालले तयार पारेको समाचार सामग्री ।