खोज

बुटवल, ३१ साउन । बुटवलमा जारी प्रथम यु—१८ फाईव ए साईड फुटबल प्रतियोगितामा नयागाउ रोयल, सोल्टी युनाईटेड, रिच किड एफसी र आहाना एफसी विजयी भएका छन ।

राधाकृष्ण युवा क्लबको आयोजनामा युवा खेलाडीहरुलाई प्रोत्साहन गर्ने उद्येश्यका साथ १८ वर्ष मुनिका खेलाडीहरु बिच भएको दोस्रो दिनको खेलमा नया गाउ रोयलले न्यु लाईटलाई ३–१ गोल, स्कलर्स होमलाई सोल्टी युनाईटेडले ४–१ गोल, एनएसएफसी बि लाई रिचकिड एफसीले ३–२ गोल तथा अक्सफोर्ड कलेजलाई आहाना एफसीले ३–० गोल अन्तरले पराजित गर्दै दोस्रो चरणमा प्रवेश गरेको हो ।

प्रतियोगिताको उपाधि विजेता टिमले नगद २० हजार रुपैया, कप, मेडल, प्रमाणपत्र तथा उपबिजेताले नगद १० हजार रुपैया, कप, मेडल प्रमाणपत्रबाट पुरस्कृत गरिने क्लबका अध्यक्ष यम बरालले बताए । यसैगरि बिधागत उत्कृष्ट गोलकिपर, उत्कृष्ट खेलाडी, र सर्वाधिक गोलकर्तालाई समेत पुरस्कृत गरिने उनले बताए भदौ ४ गतेसम्म चल्ने प्रतियोगितामा २४ टिमले उपाधिको लागि प्रतिस्प्रर्धा गरेका छन ।

बुधबार पनि चार वटा खेलहरु हुने छन । पहिलो खेलमाथ्री स्टार र राईजिङ एफसी, दोस्रो खेलमा एनएसएफसी ए र रानीगंजा एफसी, तेस्रो खेलमा टिम शान्ति एफसी र कलुवा एफसी तथा चौथौ खेलमा जनशान्ति एफसी र चरङे एफसीका बिचमा खेल हुने खेल संयोजक बिश्वजित ताम्राकारले बताए ।

आजको खेल