© २०२३
७ मंसिर २०८१, शुक्रबार
७ मंसिर २०८१, शुक्रबार
काठमाडौं,३० साउन । पार्टीका गतिविधिमा लामो समयदेखि निष्क्रिय रहँदै आएका नेकपा एमालेका नेता भीम रावल र अध्यक्ष केपी शर्मा ओलीबीच भेटवार्ता भएको छ।
अध्यक्ष ओलीसँग कुरा गर्न रावल मंगलबार दिउँसो एमाले मुख्यालय च्यासल पुगेका थिए। ओली र रावलबीच पार्टी कार्यालयमा लामै कुराकानी भएको छ । भेटवार्तामा अध्यक्ष ओलीले रावललाई पार्टी काममा सक्रिय हुन आग्रह गरेका थिए । रावलले के जवाफ दिए भन्ने खुलेको छैन ।
२०७८ मा चितवनमा भएको एमालेको १० औं महाधिवेशनमा रावलले ओलीविरूद्ध अध्यक्षमा उम्मेदवारी दिएका थिए। त्यसपछि उनीहरूबीच तिक्ततापूर्ण सम्बन्ध रहेको थियो।
गत चुनावमा रावलले प्रत्यक्षतर्फ उम्मेदवार बन्न टिकट पाएका थिएनन्।
एमालेका पूर्वउपाध्यक्ष रावलले एमाले नेतृत्वको आलोचना गर्दै आएका थिए। गत चैतमा रावलसँग संवाद गर्न उपाध्यक्ष बिष्णु पौडेलको संयोजकत्वमा तीन सदस्यीय वार्ता टोली गठन भएको थियो।
© २०२३
सर्वाधिकार सुरक्षित
Design & Developed By:
