खोज

लमही ,२६ साउन ।

‘रातको करिव साढे दश बजेको थियो । हामी खानपिन गरी सुत्ने तयारीमा थियौं । श्रीमती पसलको सामान स्याहार्दै थिईन । म पल्टेको थिएँ । ढोकाभित्र करिव १४÷१५ जनाको एक हुल मान्छे पसे । ती मान्छे म भएतिर आए । मलाई कुटपिट गर्न थाले । श्रीमती चिच्याउँदै आईन् । श्रीममतीलाई कुटपिट गरे । श्रीमती पल्टिईन् । म बेहोस भएँछु’ –घोराही उपमहानगरपालिका वडा नं. १२ रामकोटका मान बहादुर बस्नेतले भने–‘चोरले हामीलाई कुटपिट गरेर बाँधेर घरमा चोरी गरे । नगद ६ लाख सहित पसलका सरसामान गरगहना लुटपाट गरी लगे । ’

कुटपिटबाट घाईते भएका बस्नेत र उनकी श्रीमती तिला बस्नेत अहिले राप्ती स्वास्थ्य विज्ञान प्रतिष्ठान घोराहीमा उपचारार्थ अवस्थामा छन् । करिव १५ जनाको युवाहरुको समूह घरभित्र पसी कुटपिट गरी बस्नेत दम्पत्तीलाई घरभित्रै बाँधेर पल्टाई नगद ६ लाख सहित पसलका सरसामान र गहगहना समेत लुटपाट गरी लगेको पीडित बस्नेत बताउँछन् । कुटपिटका कारण बस्नेतकी श्रीमती सामान्य घाईते भएकी छन् भने बस्नेत गम्भीर घाईते भएका छन् ।

जिल्ला प्रहरी कार्यालय दाङका प्रहरी नायव उपरीक्षक डिएसपी राजन गौतमका अनुुसार घटना लगत्तै प्रहरीलाई खवर प्राप्त गरी घटनामा संलग्न ३ जनालाई प्रहरीले पक्राउ थरी आवश्यक अनुुसन्धान गरिरहेको छ । घटनामा संलग्न ३ जना स्थानीय युवा समेत रहेको डिएसपी गौतमको भनाई छ ।