खोज

बुटवल, २५ साउन । चौराह अस्पताल प्रालि बुटवल कालिकानगरमा सिटिजन्स बैंकका कर्मचारी र कार्ड होल्डरहरुलाई छुट दिने सम्झौता भएको छ । बैंकका कर्मचारी, कार्ड होल्डरहरुलाई स्वस्थ्य सेवामा विशेष छुट दिने सम्झौता भएको हो । विहीबार चौराह अस्पताल प्रालिको तर्फबाट प्रबन्ध निर्देशक बिरु भण्डारी तथा सिटिजन्स बैंक ईन्टरनेशनल लिमिटेडको तर्फबाट लुम्बिनी प्रदेश म्यानेजर प्रदिप कुमार श्रेष्ठ बिच सेवा उपलब्ध गराउने बारे ४ बुंदे सम्झौता गरिएको हो ।
सिटिजन बैकका कर्मचारी, कार्ड होल्डरलाई अस्पतालको विभिन्न सेवामा छुट दिने गरि सम्झौता पत्रमा हस्ताक्षर गरिएको अस्पतालका निर्देशक सन्तोष गुप्ताले बताए । एक वर्षसम्म लागु हुने गरि अस्पतालको ल्याबमा १० प्रतिशत, आईसियु बेड चार्ज÷एचडियु बेड चार्जमा ५ प्रतिशत, जनरल बेड जार्चमा १० प्रतिशत, युरो सर्जरीमा १० तथा अर्थो र जेनेरल सर्जरीमा ५÷५ प्रतिशत, न्युरो सर्जरीमा ५, डेन्टलमा १० प्रतिशत, फिजियोथेरापीमा १० प्रतिशत, फार्मेसीमा ५ प्रतिशत तथा सिटि स्क्यानमा १० प्रतिशत छुट दिने सम्झौता भएको हो ।
अस्पतालका प्रबन्ध निर्देशक बिरु भण्डारीले नीजि क्षेत्रबाट स्वास्थ्य सेवालाई सर्वसुलभ र सहज बनाउने अभियानलाई जोड दिएको बताए । न्यूरो ट्रमा सेन्टरको रुपमा बिशिष्टिकृत सेवा दिदै आएको अस्पतालमा सिटि स्क्यान सेवा समेत शुरु भएको उनले बताए ।
कार्यक्रममा अस्पतालका अर्थोपेडिक सर्जन डा.मदन ज्ञवाली, चौराह अस्पताल प्रालिका जनसम्पर्क तथा सुचना अधिकृत जनक कुंवर, बैकका कालिकानगर शाखा प्रबन्धक किरण कुमार केसी र सहायक शाखा प्रबन्धक सुरज क्षेत्रीले आगामी दिनहरुमा अझ साझेदारीका कार्यक्रमलाई जोड दिने बताए ।