खोज

रोल्पा, २३ साउन ।

रोल्पाको परिवर्तन गाउँपालिका वाग्मारावाट दाङको घोराहीका लागि छुटेको ना ख २६१२ नम्वरको वस दुर्घटना भएको छ । प्रहरीका अनुसार वस दुर्घटनामा ४ जनाको मृत्यु र १९ जना घाईते भएका छन् ।

मृत्यु हुनेमा रोल्पा माडी गाउँपालिकाका अन्दाजी २२ वर्षीय प्रकाश वाँठा, माडी ४ का अन्दाजी ५० वर्षीय गोर्खे डाँगी, गोर्खे डाँगीको श्रीमती अन्दाजी वर्ष ५० की हस्ता डाँगी र परिवर्तन गाउँपालिका ३ का अन्दाजी ४६ वर्षिय भक्त विक रहेको जिल्ला प्रहरी कार्यालय रोल्पाले जानकारी दिएको छ ।

दुर्घटनामा परी घाइते हुनेहरुमा रोल्पा माडी ६ का १४ वर्षका नविन बुढा वडा नं. ७ का ६२ वर्षका कमानसिंह सुनार, रोल्पा नगरपालिका ६ दार्वोटका २५ वर्षीय कमानसिंह घर्तीमगर, माडी गाउँपालिका ४ का ९ वर्षीय मिलन डाँगी रहेका छन् ।

अन्य घाईतेमा माडी ६ कोर्चवाङका १५ वर्षीय मुकेश पुन,माडी २ का २० वर्षीय जितेस वाँठा, सोही ठाउँका २३ वर्षीया हिमानी घर्तीमगर, हिमानी घर्तीमगरको ११ महिनाको छोरा ओल्सन घर्तीमगर रहेका छन् । अन्य घाइतेमा माडी ४ वस्ने ३३ वर्षीया कविता खड्का, कविताको ५ वर्षको छोरा युस खड्का, माडी ४ का २६ वर्षिया मिना डाँगी, माडी २ का २८ वर्षीया त्रिपना वाँठा मगर रहेका छन् ।

दुर्घटनामा परी घाइते अन्य यात्रूहरुमा परिवर्तन गाउँपालिका ३ का २४ वर्षीय खुम्वु वुढामगर त्रिवेणी २ नुवागाउँका १७ वर्षीया पूर्णिमा वुढामगर, सोही ठाउँका १३ वर्षीया सुस्मिता वुढामगर, माडी २ घर्तीगाउँका ४० वर्षीया बिर्जना घर्तीमगर, माडी २ घर्तीगाउँका २४ वर्षीय कमल खड्का र रोल्पा नगरपालिका ६ दारवोटका २४ वर्षीय ईन्द्रकुमार घर्तीमगर र दाङ घोराही उपमहानगरपालिका १२ हापुरका २४ वर्षीय चालक हुमराज वस्नेत रहेको जिल्ला प्रहरी कार्यालय रोल्पाले जानकारी दिएको छ । चालक हाल प्रहरी नियन्त्रणमा रहेको छन ।

घाइते मध्ये ३ जना गम्भीर, १३ जना मध्यम र ३ जनाको अवस्था सामान्य रहेको जिल्ला प्रहरी कार्यालय रोल्पाका सूचना अधिकारी प्रकाश भुसालले जानकारी दिए ।

वस त्रिवेणी गाउँपालिका ७ तिला रिचि भन्ने ठाउँमा दुर्घटना भएको थियो । सडकदेखि करिव १५० मिटर तल खसेको उक्त वसमा २३ जना यात्रू सवार रहेको प्रहरीको भनाई छ ।