खोज

दाङ, २१ साउन ।

घोराहीस्थीत राप्ती स्वास्थ्य बिज्ञान प्रतिष्ठानमा युरोलोजी सेवा सुरु भएको छ । युरोलोजीष्ट सर्जन डा. प्रबोध रेग्मीले सो सेवा दिने भएका छन् ।

अस्पतालका निमित्त निर्देशक तथा जेष्ठ नागरिक रोग विशेषज्ञ डा रमेश कडेलले युरोलोजी सेवा थप भएको र अब बिरामीले स्थानीयस्तरमै सहजरुपमा विशेषज्ञ सेवा प्राप्त गर्न सक्ने बताए । डा रेग्मी आजआइतबार नै अस्पताल पुगेर हाजिर भएको प्रतिष्ठानले जनाएको छ ।

प्रतिष्ठानमा युरोलोजी सेवा पनि बिरामीलाई दिन थालेको प्रतिष्ठानका अस्पताल प्रशासक समेत रहेका डेपुटी रजिस्ट्रार झंकार लामिछानेले जानकारी दिएका छन् । उनका अनुसार युरोलोजी सेवा अन्तर्गत पिसाव सम्बन्धी सबै, प्रोष्टेड र किड्नीमा परेको पत्थरी, पिसावको नली, थैलीको पत्थरी, अण्डकोषमा मासु पलाएको, सुन्निएको, पिसाव पोल्नेलगायतका विभिन्न सेवाहरु बिरामीले प्रतिष्ठानमा पाउने डा. रेग्मीले बताए ।

डा रेग्मीलाई प्रतिष्ठानका शिक्षाध्यक्ष डा. वसन्त लामिछाने, अस्पतालमा निमित्त निर्देशक डा. कडेल, सहायक निर्देशक डा एन्जिलिका कार्की, अस्पताल प्रशासक लामिछानेसहित चिकित्सक र कर्मचारीले स्वागत गरेका थिए । त्यस्तै एमजिडिपिमा प्रोफेसर डा. नारायणसिंह गुरुङ, सर्जरिमा एशोसिएट प्रोफेसर डा. सुर्यमान गुरुङले पनि सेवा सुरु गरेका छन् । लामो समयदेखि युरोलोजी सेवा दिन थालेका रेग्मी अनुभवी चिकित्सकका रुपमा परिचित छन् ।