चन्द्रौटा(कपिलवस्तु), ९ साउन । मालपोत कार्यालय चन्द्रौटा कपिलवस्तुले १० करोड ६७ लाख ५५ हजार ८ सय ६ रुपैया राजस्व संकलन गरेको छ । सेवाग्राही मार्फत आर्थिक बर्ष २०७९/०८० मा राजस्व संकलन गरेको मालपोत कार्यालयले जनाएको छ । पारित भएका जम्मा लिखित संख्या ६ हजार २४ रहेको छ । जसमा पुरुष ४ हजार ३ सय ६ र महिला १ हजार ७ सय १८ रहेका छन् । उनीहरुबाट रजिस्ट्रेशन, मोठ, मुद्दा र लाभकर लगायतको र्शीषकमा राजस्व संकलन भएको हो ।
आर्थिक बर्ष २०७८/०७९ मा रजिस्ट्रेशन र लाभकर लगायतको र्शीषकमा गरी कूल १६ करोड ४० लाख २७ हजार ३ सय ८८ संकलन भएको थियो । जुन आर्थिक बर्ष २०७८/०७९ को राजस्व भन्दा ५ करोड ७२ लाख ७१ हजार ५ सय ८२ रुपैयाले कम संकलन भएको मालपोत कार्यालयको बार्षिक प्रतिबेदनमा उल्लेख छ । आर्थिक बर्ष २०७८/०७९ मा पारित भएका जम्मा लिखित संख्या ८ हजार २ सय २८ रहेको थियो । जसले गर्दा राजस्व घटेको सहजै अनुमान गर्न सकिन्छ ।
मालपोत अधिकृत लक्ष्मण प्रसाद चालिसेले पछिल्लो समय कोभिड पछि देशभर आर्थिक मन्दीले आम नागरिक थलिएको कारणले जग्गाको कारोबार सुस्ताएको बताए । राजस्व घट्नुको मुख्य कारणमा जग्गाको वर्गीकरण ढिला खुल्नु हो । त्यसपछि कित्ता काट खुल्ने हो, जुन सम्बन्धित पालिकाले समयमा खुलाउन नसक्दा पनि राजस्व कम उठेको समेत उनले जानकारी दिए ।
सरकारको जग्गा सम्बन्धि कानुनी प्रावधान समेत केही परिमाणजन भएकोले कारोबार कम भएका कारण लाभग्राहीहरुको संख्या समेत घटेको चालिसेको भनाई छ । उनका अनुसार जग्गा नामसारी विगतमा एक हजार लाग्ने गर्दा थियो भने अहिले एक हजार थपिएको छ । जग्गा धनी प्रमाण पुर्जा प्रतिलिपि दस्तुर वापत ५ सय रुपैया लाग्ने भएको छ । केहि शीर्षकहरुमा भने रकम यथावत रहेको छ । भने चालु आर्थिक बर्षमा अधिकांश र्शीषकमा शुल्क बढेका छ ।
यस्तै तिन पुस्ते नामसारी एक हजार लगथियो, भने हाल दुई हजार लाग्ने गरेको मलापोत कार्यालयको कार्यविधिमा उल्लेख छ । सरकारको निर्देशन तथा कार्यालयको कार्यविधि बमोजिम सेवाग्राहीलाई प्रभावकारी सेवा प्रदान गरिरहेको दावी छ । पछिल्लो समय कार्यालयको बदनाम गर्ने नियतले किर्ते कागजात बनाई जालसाजी गर्ने, सोझासाझा नागरिकलाई फसाउने सक्रिय गिरोहबाट सेवाग्राही सजग रहन कार्यालयले आग्रह समेत गरेको छ । प्रमुख चालिसेले भने “आर्थिक अवस्थाले थलिएका कारण जग्गाको कारोबारमा मन्दी आएको छ, केही समय यता जग्गा किन बेच गर्नेहरु दुबै पक्षबाट लापरवाही भइरहेको छ तर यसलाई सुधार गर्नुपर्ने देखिन्छ ।”
अपराधिक गतिविधिलाई निरुत्साहित गर्न स्थानीय प्रहरी, प्रशासन लगायत सम्बन्धित निकायसँग समन्वय गरी प्रभावकारी सेवा प्रवाह गरेको उनले जिकिर गरे । विगतको तुलनात्मक रुपमा भने कम भएको छ । अब भने गैर कानुनी क्रियाकलाप न्यूनीकरणको प्रयास रहेको जनाए । कार्यालयको नाममा जग्गा खरिद भएपनि बजेट अभावले भवन बनाउन नसक्दा सेवाग्राहीलाई सेवा प्रवाहमा सास्ती भइरहेको मालपोत कार्यालयले जनाएको छ ।
२७ मंसिर २०८२, शनिबार
