खोज

बुटवल, १ साउन ।   एसिसि इमर्जिङ्ग कप क्रिकेटमा नेपालले आज बलियो प्रतिद्धन्दि भारतको सामना गर्दै छ । पहिलो खेलमा पाकिस्तानसँग ४ विकेटले पराजित भएको नेपालले दोश्रो खेलमा भारतसँग प्रतिष्प्रर्धा गर्दैछ ।

डे/नाइट खेल (फ्लड लाइट) को अनुभव नभएको नेपालको लागि दोश्रो चरण प्रवेशका लागि भारतसँगको जित निकै महत्वपूर्ण छ । भारतले युवा पुस्ताका खेलाडी समेटेर प्रतियोगितामा टिम ए नाम दिएर सहभागिता जनाएको छ । भारतिय टोलीमा अधिकाँश युवा खेलाडी आइपिएल खेलेर आएका अनुभवी खेलाडीहरु रहेका छन । नेपालको भने राष्ट्रिय टोली नै प्रतियोगितामा सहभागिता जनाएको छ ।

पाकिस्तान विरुद्ध खेलमा सुरुवाती ब्याटर चल्न नसक्दा नेपाल उच्च स्कोर बनाउनबाट चुकेको थियो । नेपालका लागि सोमपाल कामीले ७५ रन बनाउँदै टिमलाई सम्मानजनक स्कोरमा पुर्याएका थिए । पछिल्लो समय लयमा देखिएको नेपालको ब्याटिङ्ग लाइन पाकिस्तानसँग धरमराएको थियो ।

एसीसी इमर्जिङ्ग कपमा नेपालले चौथो पटक सहभागिता जनाउँदै खेलीरहेको छ । सन २०१३ मा पहिलोपटक प्रतियोगितामा सहभागिता जनाएको नेपालले सन २०१८ मा श्रीलँका र पाकिस्तानले सँयुक्त रुपमा आयोजना गरेको प्रतियोगितामा भने सहभागिता जनाएको थिएन ।

नेपाली टोलीमा कप्तान रोहित पौडेलसँगै अर्जुन साउद, कुशल भुर्तेल, गुलसन झा, प्रतिश जी सि, देव खनाल, सोमपाल कामी, सन्दिप जोरा, किशोर महतो, भीम सार्कि, ललित राजवँशी, पवन सर्राफ, कुशल मल्ल, आसिफ शेख, श्याम ढकाल र सूर्य तामाङ्ग रहेका छन ।
भारत विरुद्धको खेल नेपाली समय अनुसार दिउसो सवा २ बजे श्री लंकाको प्रेमदाशा स्टेडियम कोलम्बोमा हुनेछ ।