Butwal Today

लुम्बिनी प्रदेशकाे बजेट बहुमतले पारित

न्युज बुटवल टुडे
२१ असार २०८०, बिहीबार
अ
अ+
अ-

बुटवल, २१ असार ।

लुम्बिनी प्रदेशकाे बजेट बहुमतले प्रदेशसभाबाट पारित भएकाे छ । बुधबार बसेकाे प्रदेशसभा बैठकबाट आगामी आर्थिक वर्ष २०८०-०८१ को बजेट बहुमतले पारित भएको हाे । असारमा १ गते आर्थिक मामिलामन्त्री धनबहादुर मास्कीले प्रदेशसभामा बजेट पेस गरेका थिए ।

प्रदेश सरकारले आगामी आर्थिक वर्षका लागि ४० अर्ब ४७ करोड ८९ लाख ९७ हजार रुपैयाँको बजेट ल्याएको थियो । बजेटमाथि उठेका प्रश्नको जवाफ दिँदै बुधबार मुख्यमन्त्री डिल्लीबहादुर चौधरीले प्रदेशलाई समृद्धि र आत्मनिर्भर गराउने बजेट आएको जनाए । उनले प्रदेशबासीकाे मनाेभावना अनुसार बजेट ल्याइएकाे र सरकारले साेहीअनुसार काम गर्नेसमेत बताए  ।

आर्थिक मामिलामन्त्री मास्कीले पनि यसवर्ष बजेटमा देखिएका समस्या आगामी वर्षमा सुधार गर्दै जाने बताए । उनले प्रतिपक्षले उठाएका सही मागप्रति सरकार सम्बाेधन गर्न तयार रहेकाे जनाउँदै केही समस्या र विमति भए छलफलबाट टुँग्याइने जनाए ।

यसअघि बजेटमा असहमति जनाउँदै प्रमुख प्रतिपक्ष दल एमालेले सदन अवरुद्ध गरेर बजेटमाथिको छलफलमै सहभागी भएको थिएन । एमालेकै नाराबाजी र बहिस्कारका बीच बजेटमाथि छलपल अघि बढाइएको थियो । मंगलबार बेलुका मुख्यमन्त्री डिल्लीबहादुर चौधरीसँग भएको वार्तापछि एमालेले बुधबारको प्रदेशसभा बैठक चल्न दिएको थियो अजको बैठकले बजेट पास गरेको हो ।

सम्बन्धित खबर

यस्तो छ आजका लागि निर्धारण गरिएको विदेशी मुद्राको विनिमयदर

यस्तो छ आजका लागि कृषिउपजको थोक मूल्य

सुनचाँदीको मूल्यमा सामान्य गिरावट

उद्योग व्यापार संघ बुटवलद्वारा कार्ययोजना पारित

बुटवलमा आइकार भी २३ लाइफस्टाइल इलेक्ट्रिक एसयूभी सार्वजनिक

व्यापार संघमा सूचना प्रविधि वस्तुगत उपसमिति गठन

किसानलाई बिमाको दायरामा ल्याउनुपर्ने आवश्यकता

यस्तो छ आजका लागि विदेशी मुद्राको विनिमयदर