खोज

रोल्पा, १० असार ।

नेत्रविक्रम चन्द विप्लव नेतृत्वको नेपाल कम्युनिष्ट पार्टीको स्थायी समिति सदस्य सन्तोष वुढाले पार्टी एकता लक्ष्य भएको र त्यसको सुरुआत मोर्चावाट गरेको वताएका छन् । नेता वुढाले उक्त कुरा आईतवार रोल्पा सदरमुकाम लिवाङमा आयोजित पत्रकार सम्मेलनमा वताएका हुन् ।

६५ प्रतिशत भन्दा वढी जनमत भएका नेपाली कम्युनिष्टहरु एक नहुँदा विदेशी हस्तक्षेप वढेको वताउँदै बलियो कम्युनिष्ट पार्टीले मात्रै विदेशी हस्तक्षेप रोक्ने वताए । “नेपालमा किन पटक पटक कम्युनिष्ट पार्टीहरु फुटिरहन्छन् त्यसको विषयमा समीक्षा सभा राखौ भनेका छौ”–नेता वुढाले भने । विचार मिल्नेसँग पार्टी एकता र मुद्दा मिल्नेसँग संयुक्त मोर्चा भन्ने पार्टीको तेश्रो पूर्ण वैठकले निर्णय गरेको वताए । “जनताको भावना पनि पार्टी एकता भए हुन्थ्यो भन्ने छ, त्यसैले जनताको भावनाको कदर गर्न पनि एकतामा जोड दिएका छौ”– उनले भने । नेकपा माओवादी केन्द्रसंगको पार्टी एकताको विषयमा पत्रकारहरुले सोधेको जिज्ञासाको उत्तर दिदै नेता वुढाले एउटा मिलन विन्दुमा पुगेपछि एकता हुने बताए । “एउटा सरकारको नेतृत्वमा रहेको र अर्को सडकमा रहेकोले भर्खरै एकता हुने सम्भावना भने छैन”– उनले भने । दलहरुमा आ–आफ्नो दृष्टीकोण र मूल्य मान्यता रहेकाले ती दृष्टीकोण र मूल्यमान्यतामा एकरुपता आउन समय लाग्ने वताए । “पार्टी एकताको ढोका खोल्नका लागि मोर्चा वनेको हो”– वुढाले भने ।

चार पार्टी वीच बनेको समाजवादी मोर्चालाई अग्रगमनामा जानेहरुको मोर्चा भएको वताए । “सवैले समाजवादमा जाने भनेका छन्, सवै पार्टीको एजेण्डा समाजवाद रहेकाले किन छहरिएर अगाडि वढ्ने ?” नेता वुढाले प्रश्न गरे । मोर्चामा नेपाली काँग्रेस पनि अट्न सक्ने वताए । “यो मोर्चा दलाल पुँजीवाद विरुद्धको मोर्चा हो”–नेता वुढाले भने ।

अहिलेको मुख्य दुश्मन अमेरिका भएको र उ एमसीसी मार्फत नेपाल छिरेका कारण पनि उ संग एक्लै लड्न नसकिने भएकाले मोर्चा जरुरी परेको उनले वताए । “नेपाललाई नवउपनिवेश वनाएकाले त्यसका विरुद्ध सचेत नेपाली एक हुनु पर्छ”–नेता वुढाले भने । “एमसीसी पास गर्नु पुष्पमकल दाहाल प्रचण्डको वाध्यता थियो”– नेता वुढाले भने । एमसीसी पास गर्न शेरवहादुर देउवालाई अघि सारिएपनि देउवावाट एमसीसी पास हुने नदेखेपछि त्यसका लागि गगन थापा, रवि लामिछानेहरुलाई अगाडि सारिएको उनले बताए ।