खोज

बुटवल, जेठ । बिचौलियाको मुख्य अखडाको रूपमा नाम कमाएको बुटवलको यातायात ब्यवस्था सवारी चालक अनुमती कार्यालयमा सुधारको संकेत गरेका कार्यालय प्रमुखको एकै महिनामा सुरुवा भएको छ ।
यातायातमा सुधारको काम गर्दै आएका कार्यालय प्रमुखलाई विचौलियाको जोडबलमा नै कार्यालय प्रमुखकोे सरुवा गरिएको पाइएको हो । हाजिर भएका प्रमुख एक महिना नहुँदै पुनःसरुवा भएका छन् ।
बैशाख ६ गते कार्यालयमा हाजिर भएका महेश पाण्डेले हाजिर हुँदैका दिनदेखि कार्यालय हाता भित्र हुने गलत कार्यलाई रोक्न र कार्यालय भित्र सिस्टम सेवालाई ब्यबस्थित गर्न सुरु गरेका थिए । कार्यालय हाता भित्र प्रशिक्षार्थीलाई लिँदै आएको मेडीकल शुल्क १ सय ५० रहेकोमा पाण्डेले सेवाग्राहीलाई सहज सुलभ होस भनेर १ सय बनाएका थिए ।
लिखीतको परीक्षा दैनिक लिने ब्यवस्था कार्यालयमा सेवा लिन आउने सेवाग्राहीका लागी खानेपानीको ब्यबस्था, फ्रि वाईफाई समेत जडान गरेर सेवा चुस्त दुरुस्त बनाउँदै गर्दा उनको सरुवा भएको हो । कार्यालय भित्र हुने अबैध कामहरूलाई निरुत्साहित गर्ने थालेपछि यातायात कार्यालयमा बिचौलीयाका रूपमा कामगर्दै आएका केही मानिसहरूले उनको सरुवा गरीदिएको एक कर्मचारी बताउँछन ।
‘हाकीम सापले केही कुराहरू सुधार गर्न खोज्नुभएको थियो केही सुधार हुने क्रममा थिए एकाएक उहाँको सरुवा भयो’– कार्यालयका एक कर्मचारीले भने । १५ दिन भन्दा बढि कार्यलय प्रमुख नभएको कारण लाईसेन्स नयाँ प्रक्रिया फर्म भर्ने लिखित परिक्षा दिने, ट्रायललिने काम पुर्ण रूपमा बन्द भएका छन । जसका कारण राज्यको दैनिक करीब १० लाख राजश्व गुमईरहेको उनको भनाई छ । दैनिक हजार बढी सेवाग्रही सेवा लिन आएपनी कार्यालय प्रमुख नहुदा फिर्ता पठाउनु परेको उनको भनाई छ ।
प्रदेश सरकारको मातहत रहेकाले कस्लाई प्रमुख बनाउने प्रदेशको जिम्मा भएपनि प्रदेश सरकारले प्रमुख बिहीन भएको १५ दिन बितीसक्दा कसैलाई पठाउन सकेको छैन समाचार स्रोतका अनुसार पछिल्लो समय यातायात ब्यबस्था सवारी चालक अनुमती कार्यालय बुटवलमा पुरा समय कार्यालय प्रमुखलाई बस्न नदिएका कारण धेरैले अनिक्षा देखाएका कारण प्रदेश सरकारले कर्मचारी पठाउन नसकेको उनको भनाइ छ ।
कमाउ अखडा रूपमा रहेकाले कार्यालयमा प्रमुख कसलाई पठाउने भन्ने कुरामा समेत धेरैको आँखा लाग्ने गरेको छ । बिचौलीया परीचालन गरेर कमाउ अड्डाको रूपमा नाम कहलिएको कार्यालयमा प्रमुख पठाउन प्रदेशका मन्त्री देखि केन्द्रका मन्त्री सम्मको आखा लाग्ने हुँदा यसकार्यालयमा हाकीमहरू फेरीइरहने परीपार्टी नै बनेको छ । राम्रो सेवामुखी कस्ले बनाउने भन्दा पनी आफ्नो पार्टीको खोज्दा कार्यालय प्रमुखहरू टिक्न नसकेको कर्मचारीहरू बताउँछन ।
लुम्बिनी प्रदेश सरकारको एक सय दिने नेतृत्व एमालेका लिला गिरीको पालामा आफू सरकारबाट जाँदाजाँदै यातायात ब्यबस्था कार्यालयको प्रमुख महेस पाण्डेलाई बनाएर कुल बहादुर केसी नेतृत्वको सरकारका पालामा आएका केशब अर्याललाई आफ्नो अबधि पुरा नहुँदै अर्याललाई फालेर पाण्डे भित्रीएका थिए । तर पाण्डे समेत १ महिना नपुग्दै हटाईएका छन । प्रदेशको नेतृत्व परीबर्तन सँगै पान्डे हटाईएपनि अहीलेसम्म कसैलाई पठाउन सकेको छैन ।
दैनिकजसो दसौं लाख बढी राजश्व संकलन गर्ने सरकारी कार्यालयमा समयमा एउटा कर्मचारी पठाउने ब्यबस्था गर्न नसक्दा दैनिक सेवा लिन आउने सेवाग्राहीहरु रित्तो हात फर्कन बाध्य भएका छन् ।
ण्ण्ण्ण्ण्ण्ण्ण्ण्ण्ण्ण्ण्ण्