खोज

बाँके  जेठ- भारत भ्रमणका क्रममा बिहीबार प्रधानमन्त्री पुष्पकमल दाहाल प्रचण्ड र भारतीय समकक्षी नरेन्द्र मोदीले संयुक्तरूपमा लुम्बिनी प्रदेश अन्तरगत पर्ने नेपालगन्जको एकीकृत जाँच चौकी (आइसीपी)को उद्घाटन गरेका छन् भने भैरहवाको एकीकृत जाँच चौकी (आइसीपी)को भुमिपुजन सम्पन्न गरेका छन् ।
अन्तरदेशीय व्यापारलाई ब्यवस्थित बनाउनका लागि एकीकृत जाँच चौकी (आइसीपी) महत्त्वपूर्ण मानिन्छ जुन लुम्बिनी प्रदेशमा मात्रै दुइवटा हुने भएका छन् ।
भारत सरकारको झण्डै २ अर्ब लगानीमा निर्माण गरिएको एकीकृत जाँच चौकीबाट दुबै देशले एक समारोहका बीच आ आफ्ना देशका मालबाहक गाडी पठाएर सञ्चालनमा ल्याएका हुन् । नेपालकै तेश्रो एकीकृत जाँच चौकीका रुपमा सञ्चालनमा आएको जैसपुर एकीकृत जाँच चौकीको उद्घाटन समारोह निकै भब्य बनाईएको थियो । भारतबाट पेट्रोलियम पदार्थ र नेपालबाट जडिबुटी निर्यात गरेर एकीकृत जाँच चौकी आजबाट सञ्चालनमा ल्याईएपनि केही आन्तरिक संरचना निर्माणका क्रममा रहेकाले पूर्णरुपले सञ्चालनमा आउन केही समय लाग्ने देखिएको छ ।

सुख्खा बन्दरगाह नाम दिइएको उक्त एकीकृत जाँच चौकी चाँडै सञ्चालनमा आउने भन्दै यस एकिृत जाँच चौकीमा झण्डै ३ सय मालबाहक ट्रक पार्किङ गर्न सकिने क्षमता रहेको नेपाल भित्रिएका कन्टेनरलाई सुख्खा बन्दरगाहको सञ्चालन तथा ब्यबस्थापन गर्ने कार्यालय नेपाल ईन्टरमोडल यातायात बिकास समितिका कार्यकारी निर्देशक आशिष गजुरेल बताउछन् । उनले एकिकृत जाँच चौकीमा गोदाम, भन्सार भवन, प्रशासकीय भवन, क्वारेन्टाईन भवन, बैंक लगायतको ब्यस्था रहेको बताए ।
यस एकिकृत जाँच चौकीमा भन्सार, अध्यागमन लगायतका सबै सेवा यसैबाट दिने गरेर बनेको जाँच चौकी भएको भन्दै संरचनाका कामहरु सम्पन्न भैसकेकार्ले अबको ४ महिनामा फर्निसिङको कार्य सम्पन्न भएपछि सम्पूर्ण रुपले एकिकृत जाँच चौकी सञ्चालनमा आउने संघीय आयोजना कार्यान्वयन इकाई नेपालगन्जका प्रमुख बिजय केशर खनाल बताउछन् ।

२०६८ सालबाट नेपाल पक्षले भारतसंग सीमा जोडिएको बाँकेको जसैपुरमा एकीकृत जाँच चौकीका लागि करीब ९२ विगाहा जग्गा अधिग्रहण गरेको थियो । झण्डै १५ बर्ष पहिले कार्य थालनी गरिएको एकिकृत जाँचचौकीमा भन्सार, अध्यागमन, सुरक्षा व्यारेक, वन कार्यालय, प्लान क्वारेनटाइन, पशु क्वारेनटाइन, खाद्य तथा गुण नियन्त्रण, मुद्रा सटही काउण्डर, बैंक, स्क्यानर मेसिन समेतको ब्यबस्था हुने छ ।