खोज

पाल्पा  जेठ- वुटवल–तानसेन सडक खण्डमा पर्ने तानसेन नगरको कमल पोखरी आसपासको जमिनको कित्ता काट गर्न पाउने गरी उच्च अदालत तुल्सीपुरले फैसला गरिदिएको छ ।
चार वर्ष अगाडि तानसेन नगर सरकारले कमल पोखरी आसपासको जमिन सिमसार क्षेत्र भित्र पर्ने भएको कारण देखाउदै व्यक्तिका जमिन समेत कित्ता काट गर्दा जमिन पुरिने र सिमसार क्षेत्रबाट नष्ट हुदै जाने भन्दै कित्ता काट नगरिदिने रजिष्टे«शन नगिरिदिन नापी कार्यालय र मालपोत कार्यालयलाई लिखित रुपमा पत्राचार गरेको थियो ।
जग्गा धनि अखण्डा बैजू लगायतका ९ जनाले उच्च अदालत तुल्सीपुरमा दायर गरेको रिट निवेदन अनुरुप अदालतका न्यायशिध किरण पौडेल र रमेश पोखरेलको संयुक्त इजलाशले कित्ता काट नरोक्न तानसेन नगर सरकारको नाममा आदेश गरेको तानसेन नगर सरकारका सुचना अधिकारी भरत आचार्यले बताए ।
लुम्बिनी मेडिकल कलेजको स्थापना संगै यस क्षेत्रमा बसोबास तथा आवाशिय क्षेत्र बढदै गएको छ । यसै क्रममा सिमसार क्षेत्रका रुपमा रहेको जमिनको नगर सरकारले संरक्षण गर्ने र कमल पोखरी आसपासमा जथाभावी रुपमा माटो खन्ने र डम्पिङ गर्ने क्रम बढदै जादा ताल पुरिने प्रवल संभावना बढेकाले नगर सरकारले रोक्का गर्नु परेको उनले बताए ।

शिद्धार्थ राजमार्गको निर्माण पुर्व खेति योग्य धान खेत भएको र प्रभासमा सडक निर्माण कम्पनीले खेतको सतह भन्दा माथि कल्भट निर्माण गरिदिए पछि यस क्षेत्रमा पानीको निकास सहज नहुदा ताल बनेके पुराना पुस्ताको दावी रहेको छ ।
पोखरी निर्माण गर्ने , पोखरीमा ढुंगा संचालन गर्ने उदेस्यले पञ्चायत कालिन समयमा नै ३२ रोजनी जमिन खरिद गरी ताल निर्माण गरी कमलको बिउ छरियो । कमलको बोट भएकाले कमल पोखरीको नामले चिनीएको पोखरी अबका दिनमा उच्च अदालतको फैसलाका कारण पुरिन सक्ने आशंका बढेको स्थानिय चुरामणी बस्याल बताउछन ।
कमल पोखरी आसपासका जमिनलाइ नगर सरकारले न्यायचित रुपमा मुअब्जा दिएरै अधिग्रहण गर्नु पर्दछ । पानीको स्रोत भएको यस क्षेत्रलाई तालको रुपमा नै भविश्यमा भूमाफियाले तालको स्वरुप माथि नै आच पुराउन सक्ने स्थानियहरुको भनाई रहेको छ ।
एक दशक अगाडि तानसेन बजारका युवाहरुको ठुलो लगानीमा माछा पालन, डुगा सयरको व्यवस्था गरिएको थियो तर लुम्बिनी मेडीकल कलेज बाट निस्किएके फोहर कारण लाखै रुपैया नोक्सानी भएको थियो । यस क्षेत्र सिमसार भएका कारणले नै बासटारी , कुन्सरे क्षेत्रमा पानीको स्रोत भएको हो । अदालतको फैसलाका कारण यस क्षेत्रका जनताले पानीको संकटको सामना गर्नु पर्ने कुन्सरेका स्थानिय इन्द्र बहादुर चिदी बताउछन । कमल पोखरी आसपासमा १७ वटा कित्ता व्यक्तिको भएको र उक्त कित्ता उच्च अदालतले फुकुवा गरेको हो ।