खोज

लमही, जेठ ।
जताततै यत्रतत्र फिजिएका विद्युत , इनटरनेट , केवलका तारहरु अव्यस्थित बजार , मैलाउदै फुटपाट व्यापारले लमही दिनप्रतिदिन कुरुप बनेको छ । गएको स्थानीय निर्वाचनमा जनप्रतिनिधीको पहिलो निर्वाचन एजेण्डामा लमहीलाईसुन्दर नगरको रुपमा विकासगर्ने प्रतिवद्धता गरेका थिए ।

निर्वाचनको केही समयमै निर्वाचन भएको जोसमा लमहीका मेयर जोगराज चौधरी ,उपमेयर लक्ष्मी योगी लगायत नगरपालिकाका कर्मचारी एकाविहानै वजारमा जम्मा हुने र राजमाग आसपासका सवै अवेवस्थीत व्यापार हटाउने कार्यमा देखिए । साच्चीनै जनप्रतिनिधीले केही गर्लान जस्तो जनतामा महशुस भयो । राजमार्ग मिचरेर राखिएका अव्यस्थित व्यवसायहरु विस्तारै व्यवस्थित हुन थाले । तर त्यो अभियान केही दिनमै सेलाउन थाल्यो फेरी लमही पुरानै धरातलमा गयो ।
सबै भन्दा लमहीमा समस्याको रुपमा रहेको अटो भिलेज व्यवस्थापन हो । पहिलो कार्यकालमा जनप्रतिनिधीहरु अटो भिलेज व्यवस्थापन गर्न नसेपनिदोस्रो कार्यकालका जनप्रतिनिधीवाट अटो भिलेजको व्यवस्थापनसंगै लमहीलाईसुन्दरनगरको रुपमा विकास हुन्छ भन्ने लमहीवासीका सपना सपनामा सिमित रहेका छन ।
अहिले पनि राजार्ग आसपास जताततै छरिएर रहेका अटो ग्यारेज , मोटरसपाट र हाडर्वयर पसलले बजारको राजमार्ग क्षेत्र कुरुप वनेको छ । त्यसै गरि भित्री बजारमा यत्रतत्र छरिएका तारहरु फुटफाट वजार र अवेवस्थीत सडक पार्किङ्गले थप कुरुप बनेको छ । तारका कारण पटक पटक आगलागी हुने घटनाहरु दोहोरीदा समेत तार व्यवस्थापनमा नत स्थानीय सरकारको चासो देखिएको नत विद्युत प्राधिकरणले चासो देखाएको छ ।

सुविधाको नाममा अव्यस्थित रहेका तार भोलीको दिन दुर्घटना निम्ताउने कारण नबन्ला भन्ने सकिदैन । अर्को तिर वजार भन्दा वितिक्कै हेर्दा मनमोहक हुने पर्ने हो ।
तर लमही बजार हेर्दा त्यस्तो आभास हुँदैन । बजार क्षेत्रमा गरिने पार्किङ्गले साँगुरिदै गएको छ । त्यस माथि सागँुरा सडक सडकपेटीमा मौलाउदै गएको फाटफुट व्यापारले पैदलयात्रीलाइ समेत सास्ती पुराएको लमही निवासी देवु के.सी. बताउँछिन ।
लमही नगरपालिका मेयर जोगराज चौधरी, लमहीलाइ सुन्दर नगरको रुपमा विकास गर्न प्रयास भइरहेको बताउँछन । उनले लमहीलाई सौन्दर्यकरण गर्नका लागि दिनरात खटेर काम गरेको वताए । चौधरीले लमहीको प्रमुख समस्या अटो भिलेज व्यवस्थापनको रहेको बताउँदै अटो भिलेज व्यवस्थापन पछि लमहीलाइ चाहेजस्तो विकाश गर्न सकिने बताए । त्यसका लागि आफूहरुले विभिन्न स्थानहरुमा जग्गा अनुगन गरेको तर कानुनी वाधाका कारण तत्कालै छनौट गर्न नसकिएको उनले वताए । तर पनि प्रकृया जारी रहेको वताए ।स्थानियवासीहरु जनप्रतिनिधीहरुले भोट संख्या घट्छ भनेर पन्छन खोजेको वताउँछन ।

लमही नगरपालिकासंगै देशकै दोस्रो धनी नगर विकास समिति लमहीमा रहेको छ । उनीहरुले चाहेभने मात्र पनि लमही जस्तो पनि बनाउन सक्ने स्रोत साधन छ । यद्यपी दुरदर्शी जनप्रतिनीधीको अभावमा लमही पुरानै अवस्थामा खुम्चन बाध्य रहेको छ ।

यता लमही कोइलबास हुलाकी सडक विस्तार भएको दुइ वर्ष भन्दा बढी भयो । अन्य स्थानमा हुलाकी मापदण्ड वमोजिम सडक निर्माण भएको छ सडक चौडाहा छ तर लमहीमा जग्गाको माऔब्जा पाए पनि सडक पुरानै अवस्थामा खुम्चीएकोले पनि बजार थप सागुरो बनेको छ । सडकखाली गर्न स्थानीय सरकारको कुनै पनि भूमिका खेलेको देखिदैन । सडक खाली गर्नसार्वजानिक सूचना जारीगर्छ तर व्यवस्थापनमा नगरपालिकाले पहल नै गर्दैन लमही निवासी हरिराम के.सी.ले भने ।