खोज

चन्द्रौटा(कपिलवस्तु), ८ जेठ ।
कपिलवस्तुको बुद्धभुमि नगरपालिका–९, गब्दहवाको अगिया खोलामा अवैधरुपमा उत्खनन गरेको पाइएको छ । पद्मदिम कन्सट्रक्सन जैमिनी नगरपालिका बाग्लुङ्ले ठेक्का पाएको खोलामा एक्साभेटर प्रयोग गरी उत्खनन गरिएको छ ।
गब्दहवा गाउँदेखि ५ सय मिटर उत्तरतर्फ ५ मिटर बढी गहिरो खाल्टो खनेर उत्खनन गरिएको छ । नगरपालिकाले उपकरण प्रयोग गरी खन्नकोलागि आदेश नदिएको भएपनि ठेकेदारको मिलेमतोमा काम भएको स्थानीय अगुवा गोकर्ण पोख्रेलले आरोप लगाए । खोला अवलोकन क्रममा खाल्टो देखिएपछि नगरपालिका र प्रहरी प्रशासनलाई फोन मार्फत जानकारी गराएपनि चासो नदिएको पोख्रेलले गुनासो गरे । आइतबार बिहान नगरपालिकाको प्राविधिक टोली सहित खोलाको अनुगमन गरेको बुद्धभूमि नगरपालिकाको प्रमुख प्रशासकीय अधिकृत धुव्र प्रसाद नेपालले बताए । उनका अनुसार ठेकेदार पक्ष नभेटिए पनि पालिकाले एक्साभेटर प्रयोग गरेको स्थलको अनुगमन गरेको गरिएको छ ।
खोलामा एक्साभेटर प्रयोग गरेको गुनासोपछि गब्दहवा विद्यालयका अध्यक्ष गणेश बेल्वासेले राजनीतिक आडमा ठेकेदार पक्षलाई संरक्षण गर्ने नियतले नगरपालिकामा डेलिकेशन गएको नाम नखुलाउने शर्तमा नगरका एक कर्मचारीले बताए । अध्यक्ष बेल्वासको भाषाशैलीमा ती कर्मचारीले भने ः “स्कुल जोगाउन हामीले ठेकेदारलाई खोलामा मेशिन हाल्न अनुमति दिएको हौँ ।“यता विद्यालय व्यवस्थापन समितिका अध्यक्ष बेल्वासेले आफूले ठेकेदार पक्षलाई संरक्षण नभएर विद्यालय परिसर नदी कटान नियन्त्रण गर्न तटबन्ध व्यवस्थापनको लागि नगरपालिका डेलिकेशन गएको उनको भनाई छ ।
पालिकाले फागुनमा ७ लाख ४९ हजार घन फिट नदीजन्य पदार्थ निकासीको लागि अनुमति दिएको थियो । पालिकाले ८ रुपैयाँ प्रति फुटमा बेच्ने दर तोकिए पनि ठेकेदार पक्षले १० रुपैयाँको दरले बिक्री गरेको स्थानीय बताउँछन् । नगर प्रमुख केशव कुमार श्रेष्ठले मापदण्ड विपरीत उत्खनन नभएको दावी गर्दै आइतबार जिल्ला कार्यालय लगायतको टोलीमा आइतबार अनुगमन गरेको बताए । मापदण्डानुसार नै कार्य भएको जिकिर गर्दै उनले भने ः “ समाचार लेख्नु छ भने आफूसहित स्थलगत अवलोकन गरेर लेख्नुपर्छ ।“