खोज

बुटवल,  जेठ - कोरोना कहरपछि देश आर्थिक संकटमा छ । व्यवसायिक घरानाहरू धमाधम बन्द हुँदै गएका छन् । लगानी योग्य वातावरण नभएको भन्दै व्यवसायीहरू पलायन भैरहेको बेलामा रूपन्देहीमा भने केही नयाँ लगानीका वातावरण सृजना भएका छन् । देशकै ठुलो व्यवसायिक घराना आईएमई ग्रुप को लगानीमा बुटवलको गोलपार्क देखि पाल्पा जिल्लाको तिनाउ गाउँपालिका वडा नम्बर ३ बसन्त पुरमा पहिलो पटक केवलकार सुरुवात हँुदै छ । यता बुटवल सहित अन्य स्थानमा व्यवसायीहरूको लगानीमा बुटवल फूलवारी देखि पाल्पा को नुवाकोटसम्म केवलकार तयारी अवस्थामा रहेको छ ।

नेपाल सहित भारतका विभिन्न स्थानका पर्यटक तान्ने योजना सहित यी दुई स्थानमा केवलकार सञ्चालन हुँदै छन् । जसले थला परेको अर्थतन्त्र विस्तारै सुधार हुने अपेक्षा समेत लिइएको छ ।
लुम्बिनी प्रदेशकै ठूलो ब्यापारीक सहर बुटबलमा ब्यबसायीक रूपमा केबुलकार सन्चालन हुने भएको छ । आन्तरिक तथा बाह्य पर्यटक प्रबद्र्धन गर्ने उद्देश्य सहित बुटबल को गोलपार्क (बम्घाट) देखी पाल्पाको तिनाउ गाउँपालीका ३ बसन्तपुर सम्म २.५ किलोमिटर केबलकार सञ्चालन हुन लागेको हो । यहि जेठ ८ गते बाट औपचारिक रूपमा केवलकार सञ्चालन गर्ने तयारी गरिएको नेपाल उद्योग बाणिज्य संघका अध्यक्ष समेत रहेका लुम्बिनी केवलकार प्रालिका अध्यक्ष चन्द्रप्रसाद ढकाल बताउँछन् ।

बुटवल देखि केही मिनेटको दुरीमा फरक मौसम पाईने बसन्तपुरमा तराईंको गर्मी छल्नको लागि जाने आन्तरिक तथा वाह्य पर्यटकको रोजाईमा पर्ने अपेक्षा समेत गरिएको छ । उक्त स्थानमा गर्मीको मौसममा निरन्तर चिसो हावा चल्ने गर्दछ । नेपाल र भारतका पर्यटकलाई बुटबल ल्याउने बुटवलदेखि पाल्पाको बसन्तपुर सम्म पु¥याउने योजना सहित एक बर्ष पहिला केवलकार योजना सुरु भएको थियो ।

करिब ५ अर्ब बढि लगानीमा निमार्ण गरीएको केबुलकार चढेर माथी डाँडा बसन्तपुर पुगेपछि आरामदायी बसाई सहित जीपलाईन व्यवस्था, क्यासीनो सहित पाँच तारे होटल समेत सञ्चालन हुने छ । स्टार होटल बिभिन्न परीकारका रेष्टुरेन्टहरू बुटबल भैरहवा भारतको नौतनवा बजार नवलपरासीका बिभिन्न भागको मनोरम दृष्य अबलोकन गर्ने अवसर समेत मिल्ने जनाइएको छ । बसन्तपुरबाट रात्रीकालीब बुटवल भैरहवा समेत अवलोकन गर्न सकिन्छ ।
हरेक बर्ष नेपाल बाट धेरै धार्मिक पर्यटकहरू भारतको आशाम राज्यमा रहेको कामाख्या मन्दीर जाने भएकाले त्यस मन्दीरको प्रतिरूप समेत यहाँ बनाइएको छ । उक्त मन्दिरमा जेठ १२ गतेदेखि धार्मीक बिधिअनुसार महापुराण समेत लगाउने तयारी गरिएको छ ।

नेपाल उद्योग बाणिज्य महासंघ लुम्बिनी प्रदेशमा अध्यक्ष कृष्णप्रसाद शर्माले बुटवलमा निर्माण भएको केबुलकारले नेपालीमात्र नभएर भारतका धेरै पर्यटक नेपाल भित्र्याउन सहयोग पुग्ने बताउँछन् । उनले तराईंको गर्मी मौसम छल्नका लागि पाल्पाको चिसो स्थान बसन्तुर सबैको रोजाईमा पर्ने समेत दावि गरे । केबुलकार सन्चालनले नेपालकै पर्यटन प्रर्वद्धनमा ठूलो टेवा पुग्ने लुम्बिनी केवलकार प्रालिलले जनाएको छ ।
यता बुटवलको पारि बुटवल (बुटवलमावि) देखि पाल्पाको नुवाकोट सम्म सञ्चालन हुने सिद्धार्थ केवलकारको संचरना निर्माण काम जारी रहेको छ । अध्यक्ष माधव नेपालका अनुसार संरचना निर्माण पुरा भएपछि केही समयमा नै सञ्चालन हुने बताउँछन् । अहिले यो केवलकारको माथिल्लो स्टेशन सहित पोल निर्माण काम जारी रहेको छ । अध्यक्ष नेपालका अनुसार आगामी दशैं सम्ममा सञ्चालन गर्ने तयारी गरिएको छ । उनका अनुसार १.९ किलोमिटर रहेको यो केवलकारको संरचना निर्माण अन्तिम तयारीमा रहेको छ ।